शताब्दी पुरुषलाई बिराटनगरको सुदर्शना -कपिला सिरपा:ले सम्मानित गरिने

विराटनगर / वाङ्मय शताब्दी पुरुष सत्यमोहन जोशीलाई  बिराटनगरको सुदर्शना – कपिला सिरपाले सम्मानित गर्ने भएको छ ।
झी पुच: नेपाल भाषा तथा सांस्कृतिक संघ बिराटनगरको आयोजनामा सुदर्शना-कोपिला ट्रष्टद्वारा काठमाडौंमा एक कार्यक्रम गरि शताब्दी पुरुषलाई सम्मानित गर्ने बारे ट्रष्टका तथा पुच:का समेत अध्यक्ष रहेका जयन्त प्रधानांगले जानकारी दिएका छन् । प्रत्येक २/२ वर्षमा प्रदान गरिने यो पुरस्कार नेपाल भाषा संस्कृतिको उत्थान , संरक्षण संवर्द्धन  गर्ने कार्यमा योगदान दिने व्यक्तिलाई दिइन्छ । यो सिरपामा नगद राशी २ लाखको थैली सहित  प्रदान गरिन्छ ।
आयोजक झी पुच:ले जनाए अनुसार शताब्दी पुरुषले नेपाल भाषा संस्कृति क्षेत्रमा अनवरत रुपमा योगदान पुर्‍याउँदै आएको स्मरण गर्दै योगदानको कदर गरेर यो सिरपा प्रदान गरिन लागेको बताएको छ।
कार्यक्रममा गणतन्त्र नेपालका प्रथम राष्ट्रपति डा. रामवरण यादव प्रमुख अतिथिका रुपमा आउने आयोजकले बताएको छ ।