मिसा दबूया तेह्रथुमय् नं त:मुंज्या, श्रीलक्ष्मी श्रेष्ठ नाय: ल्यल !

म्याग्लुुुङ/देयया थीथी थासय् जिल्ला व नगर कमिटीया धमाधम त:मुज्या यानाव:गु नेवा: मिसा दबूया तेेेह्रथुम जिल्ला कमिटीया नं न्हापांगु त:मुुुज्या जुुल। ने.स. ११४० पोहेलागा एकादसि (माघ ६, २०७६)  खुन्हु मिसा दबू तेर्‍हथुम जिल्लाया न्हापांगु अधिवेसन जूगु ख: ।
मिसा दबूया केन्द्रिय नाय: रश्मिला प्रजापतिया मूपाहाँसुइ जूगु उगु ज्याझ्वलय्  म्यागलुङ नगरपालिकामा मेयर संजय कुमार तुम्बाहाम्फे बिशेष पाहाँकथं झायादीगु ख: । अथेहे मिसा दबूया प्रदेस १ न्वकू बिमला प्रधान व केन्द्रिय दुज: इन्दु श्रेष्ठ, नेवा: देय् दबू केन्द्रिय पार्षद नारायणलाल श्रेष्ठ, धनकुटा जिल्ला नाय: शुभभगत प्रधान, प्रहरी नायब उपरिक्षक नविन किशोर प्रधान नं बिशेष पाहाँकथं झायादीगु ख: । तेर्‍हथुुम जिल्लाया थी थी संघसंस्थाका नाय:पिं पाहाँ कथं थ्यंगु ख: ।
उगु अधिवेसनं श्रीलक्ष्मी  श्रेष्ठयात  नाय: ल्यगु दु । लिसें १३ म्हेसिया न्हुगु ज्यासना पुच: नं ल्य:गु दु ।