“नेपाल र चीन सांस्कृतिक र सामाजिक रुपमा पनि जोडिएका छन्”

काठमाडौं /चीनिया नयाँ वर्षको उपलक्ष्यमा अरनिको समाजले काठमाडौंमा एक शुभकामना कार्यक्रम आयोजना गर्‍यो ।
गृहमन्त्री रामबहादुर थापा “बादल”को प्रमुख आतिथ्यमा अरनिको समाजले माघ ७ गते मंगलबार काठमाडौं लैनचौरस्थित लैनचौर बैंक्वेटमा चीनियाँ नयाँ वर्ष छुन्चु अर्थात मुसा वर्षको उपलक्ष्यमा शुभकामना कार्यक्रम आयोजना गरेको थियो। कार्यक्रममा विशेष अतिथिका रुपमा चीनिया राजदुत होउ यान्कि आउनुभएको थियो ।
चीनमा अध्ययन गरि नेपाल फर्केर विविध क्षेत्रमा क्रियाशील रहेकाहरुको समाजको रुपमा सन् १९८१ मा स्थापना भएको अरनिको समाज नेपाल चीनको जनस्तरमा सम्बन्ध बढाउने कार्यमा अग्रणी संस्था हो । यसले नेपालको शिक्षा, स्वास्थ सामाजिक क्षेत्रमा समेत विभिन्न कार्यक्रमहरु गर्दै आएको छ ।

कार्यक्रममा मन्तब्य राख्दै समाजका अध्यक्ष डा. सर्वोत्तम श्रेष्ठले चीन र नेपालको सम्बन्ध तथा अरनिको समाजको भूमिका बारे आफ्नो धारणा राख्नुभयो । साथै उहाँले चीनले नेपालका विभिन्न क्षेत्रमा पुर्‍याएका सहयोगको पनि स्मरण गर्नुभयो ।
चीनिया राष्ट्रपति सि-जिन पिङको नेपाल भ्रमण स्मरण गर्दै चिनियाँ राजदुतले भन्नुभयो ” यो वर्ष चीन र नेपालको दौत्य सम्बन्ध भएको ६५ वर्ष पुगेको छ यो वर्ष राष्ट्रपतिको नेपाल भ्रमणताका भएको समझदारी र सहमति पूर्ण गर्ने वर्ष पनि हो” साथै उहाँले चीन र नेपालको जनस्तरमा सम्बन्ध बढाउने कार्यमा अरनिको समाजले पुर्‍याएको योगदानको प्रशंसा पनि गर्नुुुभयो ।
प्रमुख अतिथि गृहमन्त्री रामबहादुर थापा “बादल”ले “हामी सांस्कृतिक र सामाजिक रुपले पनि जोडेका छौं । हाम्रो सम्बन्ध प्राचीन कालदेखि रहँदै आएको छ र यो सम्बन्ध निरन्तर सुदृढ हुँदै गइरहेको छ ” भन्नुभयो ।उहाँले नेपाल चीनविचको उच्चस्तरीय भ्रमण आदानप्रदानको पनि स्मरण गर्दै  नेपालको समृद्धिको बाटोमा चीनले सहयोग गर्दै आएकोमा धन्यवाद ज्ञापन पनि गर्नुभयो ।
मन्तव्यका क्रममा समाजका प्रथम उपाध्यक्ष डा. मनोजमान श्रेष्ठले अरनिको समाजले स्वास्थ शिक्षा संस्कृति क्षेत्रमा कार्यक्रम चलाउँदै आएको बताउँदै यसपटक गोर्खा मुस्ताङ लगायतका क्षेत्रमा कार्यक्रम केन्द्रीत हुने बताए ।

कार्यक्रममा सांसदहरु ,विविध क्षेत्रका विशेषज्ञहरु तथा विभिन्न क्षेत्रका व्यक्तिहरुको उपस्थिति रहेको थियो ।