नेवा: मिसा दबू सुनसरी शीला श्रेष्ठ !

सुभाय् पोस्ट सम्बादाता, इटहरी  / नेवा: मिसा दबू सुनसरी जिल्लाया न्हापांगु अधिवेशनंं शीला श्रेष्ठयात नाय: ल्य:गु दु ।
नेपा: बहुद्देशीय सहकारी संस्थाया भवन इटहरी शनिवा: जूगु उगु दबूया सुनसरी जिल्ला अधिबेशनंं शीला श्रेष्ठया नाय:सुइ १४म्ह दुज: दुगु कार्यसमिति नं ल्य:गु दु ।
मिसा दबूया केन्द्रिय नाय: रश्मीला प्रजापतिया मू पाहांसुइ जूगु अधिवेशनया ज्याझ्वलय् मिसा दबूया न्वकू बिमला प्रधान, नेवा: देय् दबूया केन्द्रिय दुज:पिं लक्ष्मी शाक्य, अनिल मास्के ,   मिसा दबू केन्द्रिय दुज: प्रदेश नं १ संयोजक इन्दु श्रेष्ठ विशेष पाहांंकथं ,धरान उपमहानगर कमिटी नाय: मनोहर शाक्य पाहांकथंं झायादीगु ख: ।
ज्याझ्वलय् सकसितं लसकुस यासें दुज: सुशा कदम सुमित्रा शाक्यं नेवा: मिसा दबूया दुज: जुइ खँगुलिं गर्व ता:गु खँ तयादीगु ख: ।
नेवा:त यक्व च्वनाच्वंगु धरान , इटहरी थेंज्यागु थाय् दुथ्या:गु सुनसरी जिल्लाया थ्व अधिवेशनंं ल्य:गु कार्यसमिति थुकथं दु  –
नाय:-  शीला श्रेष्ठ,
न्वकू (उपाध्यक्ष )-लक्ष्मी प्रधान “मुना”
छ्यान्जे( सचीव) -सुनिता श्रेष्ठ
दांभरी (कोषाध्यक्ष)- सुमित्रा शाक्य-सुशा कदम
सहसचिव – कमला श्रेष्ठ
लिसेें १४ म्ह  दुुज:पिं नं  ल्ययेगु ज्या जुल ।
पद हस्तान्तरणया झ्वलय् न्हूम्ह दांभरी सुमित्रा शाक्य (शुशा कदमं) १००५/- तका हापं कोषय् तसें दांभरी पद नं ल:ल्हाना: कयादीगु ख: ।