मिस नेवा: पोखराया नितिं नां दुतिनेज्या न्ह्यात ,मंगलबा: पत्रकार सम्मेलन !

पोखरा /मिस नेवा: पोखरा ११४० या नितिं नां दुतिनेज्या न्ह्यात । वइगु मंगलबा: थुगु ज्याझ्व:यात कया: पत्रकार सम्मेलन नं ज्युइत्यंगु दु ।
नेपाल भाषा कला संस्कृति व तजिलजिया बारे शिक्षा बीगु सांस्कृतिक सौर्न्दर्य प्रतियोगिताकथं नेसं ११३२ निसें न्ह्यानावयाच्वंगु मिस नेवा: पोखरा ११४० या नां दुतिनेज्या न्ह्या:गु दु । वंगु पुुुस २० गतेनिसें  माघ १० गते तक दुने नां दुतिनेज्या  जुइगु खँ ग्वसाखलकं जानकारी ब्युगु दु ।
मूकजी विमल श्रेष्ठं थुपालय् मिस नेवा: ११४० या नितिं मंदुपिं मयजुपिन्त नां दुतिनेत आह्वान यानादिल । न्ह्याब्लँय् थें थुपालय् नं पोखराया मयजुपिन्त थपिनि मातृभाषा संस्कृति बारे थीथी खँया जानकारी बिइगु , लिसें व्यक्तित्व विकासया तालिम बिया: ब्वति कयादीपिनि दुथुइ प्रतिस्पर्धा याकेगु खँ वयकलं कनादिल ।
पुलांम्ह कजी लिसें सल्लाहकार गजेन्द्रमान श्रेष्ठं थपिसं नेवा:तय् थीथी परम्परा ल्यंका तयेया नितिं थुकथं ज्याझ्व: यानादीगु खँ कनादिल ।
अथेहे मेम्ह पुलांम्ह कजि लिसें सल्लाहकार शम्भुलाल श्रेष्ठं थुगु ज्याझ्व: यायेत भचा थाकुगु यक्व ई व धेबाया लगानी तूकथं बांला:गु लिच्व: नं बिइफुगु खँय् लसता प्वंकादिसें सकसितं ग्वहाली यानादीत इनाप यानादिल ।
नेवा: खल: कास्कीया मिस नेवा: ज्याझ्व: ता:लाकेया नितिं मिस नेवा: पुच: नांगु कचा संगठन तकं दयेकात:गु दु ।
थुकिइ पुलांपिं नाय:पिं अनुभवकथं सल्लाहकार जुइ धा:सा ल्यु संयोजक मेगु दँया मिस नेवा:या मूकजी जुइ ।
थुपालय् मिस नेवा: पोखरा ११४० ता:लाकेया नितिंं अनिशा श्रेष्ठया संयोजकत्वय् प्रचार प्रसार कमिटी नं निस्वंने धुनागु खँ ग्वसा:खलकंं धा:गु दु ।
लुुुंमकेेेबह:जू मिस नेवा: पोखरा सारा बजिमय मिस पोखरा जुइत ता:लागु ख: लिसें मिस नेपाल २०१९ या टप २० ई तप्यंक थ्यंगु खँ लुमंकेबह:जू ।