सक्व वनेगु लँ सालिनदी मेलायात ध्यानय् तया: ग्राभेल याइगु!

 किचसिं
सक्व । र्थौँ श्री माधवनारायण स्वस्थानी व्रत तथा शालिनदी सुधार समितिया ग्वसालय् सक्वया शालिनदी पार्टी भेन्यूई छगु पत्रकार सम्मेलनया ज्याझ्वः जुल ।
पत्रकार सम्मेलनय् शंखरापुर नगरपालिकाकाया मेयर सुवर्ण श्रेष्ठजुं सक्वय् माघ मेलाय् झाईपिं धार्मिक पर्यटक अर्थात तीर्थटकतय् वय् वने अपुईकेत छन्हु निन्हुं हे सक्वय् वयेगु मु लँपु ग्राभेलिंग यायेगु वचं वियादिल ।
वयेकलं परापुर्वकालनिसे चलय् जुया वया च्वंगु थ्व मेलाय् व्रतालु व तीर्थटक तय् सुविधा व नगरया विकासया निंतिं पर्यटन प्रवद्र्धनया ज्याझ्वः न्ह्याकेगु धयादिल ।
पत्रकार सम्मेलनय् समितिया अध्यक्ष गोविन्दबहादुर श्रेष्ठजुं थ्व वर्ष विदेशं झाईपिं वा स्वदेशयापिं पर्यटकतयेत सक्वय् बासं च्वनेगु व्यवस्था समेत यानागु धयादिल ।
करिब ५० म्ह पर्यटक तय्त सेवा बिईफईगु कनादिल ।