विश्व सम्पदा क्षेत्र स्वयम्भू उत्सव सुरु, पर्यटकीय हबको रुपमा विकास गर्ने मेयरको प्रतिबद्धता

विश्व सम्पदा क्षेत्र स्वयम्भू उत्सव सुरु
पर्यटकीय हबको रुपमा विकास गर्ने मेयरको प्रतिबद्धत
काठमाडौं /काठमाडौंको स्वयम्भू भुइखेलमा स्वयम्भू सांस्कृतिक उत्सव सुरु भएको छ ।
काठमाडौं महानगर पालिका वडा नं १५ को कार्यालय र सामुदायिक प्रहरी बृत्त स्वयम्भूको संयुक्त आयोजनामा भइरहेको स्वयम्भू सांस्कृतिक उद्घाटनका क्रममा काठमाडौं महानगर प्रमुख विद्या सुन्दर शाक्यले स्वयम्भू क्षेत्रलाई पर्यटकीय हबको रुपमा विकास गर्ने योजना रहेको बताए ।
प्रमुख शाक्यले काठमाडौँ महानगर क्षेत्रभित्रै विश्व सम्पदा सूचीमा सूचीकृत चारवटा सम्पदा क्षेत्र रहेको भन्दै ती क्षेत्रको प्रवर्द्धनका लागि पनि यस्ता महोत्सव र साँस्कृतिक कार्यक्रमले थप सहयोग पुग्ने बताए।
कार्यक्रम उद्घाटनका प्रमुख अतिथिका रुपमा संस्कृति पर्यटन तथा नागरिक उद्दयन मन्त्री योगेश भट्टराई आएका  थिए ।
नेपाल भ्रमणवर्षलाई लक्षीत पारेर सप्ताहव्यापी रुपमा मनाइने यस उत्सवको पहिलो दिनमा नेवार संस्कृति तथा कलाकारिता प्रस्तुत गरिएको थियो । राजेश बज्राचार्य पूर्णकाजी ज्यापू लगायत कलाकारले नेपाल भाषाका गीत गाएर सहभागीहरुलाई मनोरञ्जन दिएका थिए । नेपाल डान्स एकेडेमीको लाखय् नृत्य निकै आकर्षक बन्यो । त्यसैगरी दुरा समाजको प्रस्तुतिले फरक स्वाद दियो । लोकप्रिय लोकगायिका बिमा कुमारी दुराले धेरैलाई नचाउन सफल पनि भए ।

कार्यक्रममा राखिएका स्टलमध्ये नेवार खानाको स्टलमा भीड देखिएको थियो । समयबजि, योमरी लगायत खाना धेरैले चाखिरहेको देखियो ।
कार्यक्रम अर्को छ दिन निरन्तर चल्ने छ ।