वरिष्ठ पत्रकार याम प्रधानको निधन ,इटहरीमा अन्तेष्टी हुँदै

इटहरी / वरिष्ठ पत्रकार याम प्रधानको बिहीबार बिहान निधन भएको छ ।
लामो समयदेखि पत्रकारितामा लागिपरेका वरिष्ठ पत्रकार याम प्रधानको निधन आज बिहीबार बिहान ३:३० बजे इटहरीको भोजपुर टोलमा भएको खबरले संचार क्षेत्रलाई स्तब्ध बनाएको छ।
नेवा: खल: इटहरीका आजिवन सदस्य समेत रहनुभएका उहाँको अन्तिम संस्कार बुढीगंगामा गरिने र त्यसमा सहभागी हुन विविध संघ संस्था ,नेवा: खल: इटहरीका सदस्यलगायत उहाँप्रति श्रद्धाञ्जली अर्पण गर्न चाहनेहरुलाई आह्वान गरिएको छ ।
नेपाल पत्रकार महासंघ सुनसरी जिल्लाका पूर्व अध्यक्ष समेत रहनुभएका उहाँ पत्रकारिताका साथै समाज सेवामा पनि सकृय हुनुहुन्थ्यो । मृगौला रोगका  बिरामी उहाँ केही समयदेखि डाइलोसिस गराउँदै आउनुभएको थियो ।केही समय अगाडि मात्र नेवा: पत्रकार राष्ट्रिय दबूले पत्रकारिता क्षेत्रमा  उहाँको योगदानको सम्मान गर्दै नेवा: पत्रकारिता पुरस्कारसहित  विशेष सम्मान गरेको थियो ।
सुभाय् मिडिया परिवार उहाँको निधनप्रति हार्दिक श्रद्धाञ्जली अर्पन गर्दछ ।