“सः छगू फरक अभिव्यक्ति”या १३ क्वःगु साहित्यिक मुँज्या जुल

यल/नेपालभाषा साहित्य ख्यलय् झिंस्वला न्ह्यः भाषा साहित्यया तब्याका यंकेगु तातुनाः पिल्हू वःगु सः छगू फरक अभिव्यक्तिया ग्वसालय् १३ क्वःगु साहित्यिक मुँज्या शनिवाः यलया इखालखु, तँलाछेँ त्वालय् जूगु दु ।
सुनिल बज्राचार्यं न्ह्याकादीगु उगु ज्याझ्वलय् नरेश अमात्यं च्वमिपिं पूर्णिमा शाक्य, लूनिभा: महर्जन रत्नयात लसकुस यानादीगु खः ।

ज्याझ्वलय् सुधिर ख्वविं च्वमिपिन्त मतिनाचिं लःल्हानादीगु खः । च्वमि किेशाेर धूसः म्हंमफया ज्याझ्वलय् ब्वतिकाये मफुगुलिं वयेकःया चिबाखं मेपिसं ब्वना: न्यंकूगु खःसा वय्कःयात लःल्हायेमाःगु मतिनाचिं वय्कःया जहान न्हुच्छे लक्ष्मी धूसलं लःल्हानाकयादीगु खः । अथेहे मोक्ष बहादुर अमात्यं च्वमिपिन्त खादा क्वखायेकाः नगद दां नं लःल्हानादीगु खःसा केदार सितुं च्वमिपिसं न्ह्यब्वःगु चिबाखंयात कयाः प्रतिक्रिया न्ह्यब्वयादीगु खः ।
बुखँ : नेवा्ः सूचना केन्द
किपा : राजेन्द्र रञ्जित