सुवासले गल्फको एकल र टिम इभेन्टमा स्वर्ण जिते , नेपालको स्वर्ण संख्या ३९

काठमाडौं। सुवास तामाङले मङ्सिर २० गते  गल्फको एकल र टिम इभेन्टमा स्वर्ण पदक जितेका छन् ।
गोकर्णमा सम्पन्न सागको गल्फ विधा अन्तगर्त सुवासले अन्तिम दिन तीन अन्डर ६९ स्कोरसहित कुल १४ अन्डर २७४ स्कोरसहित नेपाललाई ३८ औं तथा ३९ औं स्वर्ण दिलाए । उनले बङ्गलादेशका मोहम्मद फरहादलाई पराजित गरेका थिए ।  १७ वर्षीय सुवास नेपालका लागि सबैभन्दा कम उमेरमा दोहोरो स्वर्ण दिलाउने खेलाडीको किर्तिमान राख्न सफल भए ।
टिम इभेन्टमा सुवाससँगै शुक्रबहादुर राई, टंकबहादुर कार्की र निरज तामाङले खेलेका थिए ।