६४ लागे उदितनारायण !

आज यिनी ६४ पुगे !
यिनले बलिऊड़मा स्थापित हुन निकै पापड बेल्नुपरेको थियो! तर 1980 मा फिल्म उन्नीस बीसमा आफ्नो पहिलो गीतमैं यिनले मोहम्मद रफीसित युगल गीत गाउने सुअवसर पाएका थिए!
1988 मा प्रदर्शित फिल्म ‘कयामत से कयामत तक’ फिल्मको पापा कहते हैं बडा नाम करेगा गीतबाट यिनको सिक्का जम्यो!
तीन दशक (1980, 1990 र 2000) लगातार फिल्म फेयर पुरस्कार पाउने यिनी एक्ला गायक हुन!
यिनी भारत सरकारद्वारा प्रदान गरिने पद्मश्री र पद्म भुषण सम्मानद्वारा विभूषित हुने सीमित गैर भारतीयमा एकजना पर्दछन्!
यिनका बाउ नेपाली हुन् भने आमा भारतीय हुन्! 2009 मा यिनलाई भारत सरकारले पद्मश्री सम्मानद्वारा सम्मानित गर्दा यिनी गैर भारतीय भएको भन्दै विवाद पनि भएको थियो! तर यिनले यो कुरा सही नभएको र आफू भारतको बिहारमा जन्मेको दाबी गरेका थिए!
यिनले स्कूली शिक्षा बिहारमा लिएका थिए भने प्रमाण पत्र तहको शिक्षा रत्न राज्य लक्ष्मी क्याम्पसबाट लिएका थिए!
यिनले 1970 बाट मैथली लोक गायनबाट आफ्नो गायकी शुरु गरेर रेडियो नेपालमा प्रवेश गरेका हुन् र नेपाली गीत गायनमा पनि आफ्नो दह्रो पकड जमाएका थिए! 8 वर्ष पछि भारतीय राजदूतावासबाट स्कलरशिप पाएर यिनी शास्त्रीय संगीतको अध्ययन गर्न भारतीय विद्या भवन पुगेका थिए!

धेरै भाषाहरुमा गीत गाएर रेकर्ड राख्न प्रयत्नरत्न यीनले केही समय अगाडि नेपाल भाषाको एक गीतमा पनि स्वर दिएका थिए!

(केदार श्रेष्ठको फेसबुक वालबाट)