प्रगतिशील गायक ,संगीतकार अमरराज शर्मालाई लाइफ टाइम अचिभमेण्ट अवार्ड दिइने!

काठमाडौं /प्रगतिशील गीत संगीत क्षेत्रमा आफ्नो जीवनको मूल्यवान समय खर्चनु भएका प्रगतिशील तथा नेपाल भाषा संगीत क्षेत्रका हस्ती अमरराज शर्मालाई लाइफ टाइम अचिभमेण्ट अवार्डद्वारा सम्मानित गरिने भएको छ ।

सबैभन्दा बढी बिधामा अवार्ड दिइने नेपाल भाषा स्टार म्युजिक भिडियो अवार्डद्वारा उहाँको गीत संगीत क्षेत्रमा गर्नुभएको  योगदानको कदर गर्दै यसरी सम्मानित गर्न लागेको हो ।
संसार क्रियसन्सको  आयोजनामा बितरण गरिन लागेको उक्त अवार्ड समारोहमा नेपाल भाषा चलचित्रका विविध विधामा योगदान गर्न्नुहुने अग्रजहरु पनि सम्मानित हुने भएका छन् ।  संसार सप्तरंगी अवार्ड नाम दिइएको अवार्डबाट सम्मानित हुनेहरूमा पुराना अभिनेता तथा निर्देशक पवन जोशी, वरिष्ठ  चलचित्र पत्रकार/निर्देशक विजयरत्न असंबरे, संगीतकार  मनराजा नकर्मी,  मातृभाषा  चलचित्रका प्रथम नायक जय महर्जन , नायिका हिसिला महर्जन, गायक जुजुकाजी रञ्जित र मेकअप आर्टिष्ट सनमकुमार श्रेष्ठ रहेका छन् ।  मल्टीपर्पोज अवार्ड भने पत्रकार ललेन्द्र शाक्यलाई दिइने भएको छ।