नेपाल भाषा स्टार म्युजिक भिडियो अवार्डस् को टप टेन सार्वजनिक गरिने !

काठमाडौं / संसार क्रियशन्सको पहिलो नेपालभाषा स्टार म्यूजिक भिडियो अवार्डस् २०१९ को टप १० सार्वजनिक गरिने भएको छ । आउँदो मंसीर १३ गते ललितपुरको बेखाज् पार्टी भेन्यु बागडोलमा उक्त कार्यक्रम हुने कुरा आयोजकले बताएको छ ।

संसार क्रियसन्सका प्रमुख स्वतन्त्र संसार महर्जनले टप १० घोषणा  कार्यक्रममा  टप १० मा पर्न सफल कलाकर्मि तथा प्राविधिकहरुलाई मेडल तथा प्रमाण पत्र समेत बितरण गर्ने बताए ।
अवार्डमा नेपालभाषाका ५७ वटा म्यूजिक भिडियो प्रतिस्पर्धाको निम्ति दर्ता हुन आएकोमा १० वटा म्युजिक भिडियो टप टेन का लागी छानिने छन् । टप १० मा परेका म्यूजिक भिडियो तथा कलाकर्मिपि तथा प्राविधिकहरुको भोटिङ्ग कोड पनि सार्वजनिक गर्ने महर्जनले जानकारी दिए ।
नेपालभाषा संगीत तथा चलचित्रका विविध विधामा अवार्ड दिइने नेपाल भाषा स्टार म्यूजिक भिडियो अवार्डस् नेपालभाषा म्युजिक भिडियो तथा संगीत क्षेत्रका निम्तिं एक उदाहरणीय कार्य हुनेछ भनि आशा गर्ने यथेष्ट संभावना रहेको छ । यो नेपाल भाषाको सबैभन्दा बढी बिधामा पुरस्कार दिइने अवार्ड पनि हो ।