मन्त्रीपरिषद हेरेफेरको तयारी दुई अध्यक्षहरु बालुवाटारमा छलफलमा व्यस्त !

काठमाडौँ — मन्त्री परिषदको पुनर्गठन हुने भन्ने व्यापक चर्चा भइरहेकै बेला आज बुधबार नेकपाका अध्यक्षद्वय केपी शर्मा ‌ओली र पुष्पकमल दाहाल मन्त्रिपरिषद् पुनर्गठनका लागि  बिहान ९ बजे देखि नै छलफलमा व्यस्त रहेको बताइन्छ । प्रधानमन्त्री ‌ओलीले मंगलबार बसेको मन्त्रिपरिषद् बैठकमा बुधबार मन्त्रिपरिषद् पुनर्गठन गर्ने जानकारी दिएका थिए ।

केहिदिन अगाडि नैं मन्त्री परिषद पुनर्गठन हुने चर्चामा आएको थियो ।
प्रधानमन्त्री ओलिले प्रधानमन्त्री तथा मन्त्रिपरिषद् कार्यालयको कार्यसम्पादन मूल्यांकनअनुसार ‘रेड’ जोनमा रहेका केही मन्त्रीलाई हटाउने संकेत गरिसकेका छन् । मन्त्रीहरूको हेरेफेर तथा जिम्मेवारीका विषयमा तथा संगठनकका केही निर्णय गर्न बुधबार १२ बजेका लागि नेकपा सचिवालय बैठक पनि बोलाइएको बुझिएको छ ।
आज बुधबार साँझसम्ममा नयाँ मन्त्रीहरुको नाम आउन सक्ने धेरै सम्भावना रहेको सुत्रले जनाएको छ।