नेवा: नख: न्युयोर्कया ग्वसालय् न्ह्यक्व:गु  मंका म्हपुजा ज्याझ्व: व न्हूदँ नेपाल सम्वत ११४० नगुमा उलेज्या  

नेवा: नख: न्युयोर्कया ग्वसालय् न्ह्यक्व:गु  मंका  म्हपुजा ज्याझ्व: व न्हूदँ नेपाल सम्वत ११४० नगुमाया उलेज्या  त:जिक हंगु दु ।  सन २०१९ अक्टोबर २८ तारिक, सोमबार, सनिलयजुगु   उगु ज्याझ्व:लय् नेवा: समुदायया दुजत लिसें नेपाली समुदायया थि थि संस्था दुज: व प्रतिनिधीत नापं विदेशी पाहाँ पिंसन ब्वति कया दिगु ख ।

संस्था या मू-छ्यान्जे भाजु डा. नरेश मान शाक्यजुं न्हूदँ ११४० या  लसताय्  म्हपुजाय् झायादिपिं पाहाँ पिन्त  भिंतुना देछाना पाहाँ पिनिगु म्हसिका लिसें न्ह्याकादिगु  उगु ज्याझ्व: न्युर्योक  सिटीया   ज्याक्सन हाइत च्वंगु  शेर्पा किदुगया हलय  जुगु ख । संस्थाया  दांभरिं  सुजन श्रेष्ठ,  पुलाम्ह  दांभरिं  दिपक कुमार प्रधान व  रविन्द्र महर्जनजुं  पाहाँ पिनिगु नां दर्ता याना न्हूदँ ११४० च्वया त:गु सल लल्हानादिगु उगु म्ह पुजा ज्याझ्वलय  संस्थाया   न्हापाम्ह न्वकु भाजु  महेन्द्र बीर बज्राचार्यजुं पाहाँ पिन्त लसकुस यासें , नख: या बहचा हकागु म्हसिकाया बिया दिल ।

संस्था या   छ्यातामी भाजु अजय मान छोचूं जुं   म्ह पुजाया महत्वया खँ कना दिसें म्हपुजा  मन्त्रविधि ब्वना बिधी पूर्बक न्ह्याकादिल ।  ग्वसा खल: नेवा: नख:  न्युयोर्क पाखें म्ह पुजाय् ब्वति कयादिपिंत पुजायायेत अपुयेकित सकसितँ  म्ह पुजा बिधीया धल: इना बिल ।

ज्याझ्व:या मू-पाहाँ  नेपाल कन्सुलेटया महा बाणिज्यदुत भाजु पुष्प राज भट्टराईजुं नेपाल सम्वत ११४०  या   नगुमा  उलेज्या याना दिसें   नेपाल सम्वतया  महत्वया खँ कना दिल नापं  सकल नेपामि तयगु उसायँ , सुख र उन्नतिया मनतुसें भिंतुनान बिया दिल । थ्व नेपाल सम्वतया नगुमा नख: पाखें अमेरिकाय पिथंगु स्वंगुगु ल्या ख:। थ्वया न्ह्यनं ने. सं.११३७, ने. सं.११३८ व ने. सं.११३९  य न न्हूदँया नगुमा पिथंगु ख: ।

न्युयोर्क सिटीया मेयर भाजु बिल दे बलाजियोनं नेवा: नख: न्युयोर्कयात छ्वया हयादिगु   न्हूदँ ने स ११३९ व म्हपुजाया भिंतुना पौ: संस्थाया मू-छ्याञ्जे भाजु डा. नरेश मान शाक्यजुं  सकसीतँ ब्वना न्यंका दिगु ख: ।

उगु ज्याझ्व:लय् संस्थाया  नाय: भाजु  विष्णुमान प्रधान जुं  न्हूदँ या  ११४०  लसताय्  भिंतुना ब्युसें  म्हपुजाय् झायादिपिं पाहाँ पिं , ग्वाहालिमिपिं , नख:या सकल पदाधिकारी व दुजं पिं व नगमाया बिज्ञापनदातातयत दुनुगुलं निसें सुभाय देछाना दिल ।

ग्वाहालिमिमयजुपिं संस्थाया  छ्यान्जे  संगीता छोचूं, ल्यू दां भरिं सालोनी वन्त, दुजपिं नम्रता प्रधान, राधिका कुमारी श्रेष्ठ, कान्तेश्वरी डंगोल, श्रुती अमात्य, अनिता बज्राचार्य, लघु शाक्य, मोहिनी कर्माचार्य, मैना बज्राचार्य, उजिला प्रधान, सबिना शाक्य, मोनालिसा बज्राचार्य, दिपा महर्जन व मधु श्रेष्ठहरूपिन्स म्ह पुजाय्
ब्वति कयादिपिन्त पुजा याका सगं बिया दिलसा, ग्वाहालिमिभाजुपिं नख:या दुजपिं महेन्द्र कुमार बज्राराचार्य, गौतम कर्माचार्य, संजन प्रधान, छ्यातामी भाजु  राज कुमार श्रेष्ठ, जेनिश कर्माचार्य, मनिन्द्र कुमार बज्राचार्य, मृगेन्द्र कुमार बज्राचार्य, अनित श्रेष्ठ, अभिशेक प्रधान व निकेश महर्जनजुपिंस नेपालय् थें  लैका जुया म्ह पुजाय् ब्वति कया दिपिन्त झ्व: भ्वय् नका दिल ।

नेवा: नख:  न्युयोर्क  , नेवा: परम्परा, नख: चख:, कला व संस्कृतिया संरक्षण व प्रबर्दनया निम्ति सन् २०११ य्
न्युयोर्कय् निस्वंगु ख: ।  थ्व संस्थां नेवा: समुदायया हित व नेवा: तजिलजि च्वन्ह्याकेत थी थी ज्याझ्व: न्ह्याकावया च्वंगु ख:।