शंखधर दिवस मनाईँदै

काठमाडौं / राष्ट्रिय विभूति शंखधर साख्वा:को ऐतिहासिक योगदानको कदर गर्दै आज शंखधर दिवस विविध कार्यक्रम सहित मनाईंदै छ ।
यस अवसरमा  नेपाल संवत् न्हूदँ राष्ट्रिय समारोह समिति ११४० ले नेपाल संवत् को सुरुआतसँग गाँसिएको स्थान लखुतीर्थमा  शंखधर दिवस मनायो । नेपाल संवत् का प्रणेता शंखधर साख्वा:लाई राज्यले राष्ट्रिय विभूति घोषणा गरेको दिन र शंखधरको योगदानलाई सम्झेर आज शंखधर दिवसको विशेष कार्यक्रम आयोजना गरिएको कुरा समारोह समितिका अध्यक्ष रमेश महर्जनले बताउनु भयो ।
काठमाडौं महानगर पालिकाका मेयर विद्यासुन्दर शाक्यको प्रमुख आतिथ्यमा भएको उक्त कार्यक्रममा बोल्नुहुँदै मेयर शाक्यले  रत्नपार्क शंखधर उद्यान नामाकरण भैसकेको र त्यस स्थानमा शंखधर साख्वा:को शालिक राख्नको लागि महानगरले कार्य अगाडि बढाइसकेको बताए ।त्यसैगरी सांसद जीवनराम श्रेष्ठले शंखधर साख्वा र लखुतीर्थको सम्बन्ध बारे बोल्दै “लखतीर्थ नेपाल संवत् उत्पत्तिसँग जोडिएको स्थान , यो स्थानको जुन महत्त्व छ पहिले अनुभव गरिएन अब यस स्थानको ऐतिहासिक महत्त्व बुझेपछि यस लखुतीर्थ क्षेत्रको विकासको निम्ति गुरुयोजना सहित लखुतीर्थ संरक्षण समिती अगाडि आएको छ यसलाई हामी सबले सक्दो सहयोग गर्नुपर्छ ! ” आफ्न्नो  धारणा   राख्नुभयो ।
समितिका अध्यक्ष रमेश महर्जनको सभापतित्वमा भएको उक्त सभामा पूर्वमन्त्री तीर्थराम डंगोल , अभियन्ता डा. महेशमान श्रेष्ठ हनुमान ढोका दरबार संरक्षण कार्यक्रमका प्रमुख उदय बहादुर पसखल , लखुतीर्थ संरक्षण समितिका अध्यक्ष सुवर्ण डंगोल लगायतका व्यक्तिहरु अतिथिको रुपमा आउनु भएको थियो भने धेरै जन समुदायको उपस्थिति रहेको थियो ।
त्यसैगरी काााष्ठमण्डप मंका: स्यनेज्याकुथी काष्ठमण्डप  सामुदायिक अध्ययन केन्द्रले पनि परोपकार पुल अवस्थित शंखधर पार्कमा एक कार्यक्रम आयोजना गरि शंखधर दिवस मनायो !