कुवेतमा नेपाल संवत ११४० नयाँ वर्ष तथा म्हपूजा हर्षोल्लासपूर्वक मनाइयो

उदास श्रेष्ठ ,कुवेत /नेवाः गुठी कुवेतले कुवेतमा नेपाल संवत ११४० तथा म्हपूजा हर्सोल्लासपूर्वक मनाएको छ । गुठीले  १ नोभेम्बर २०१९ शुक्रबार साँझ नेपाली राजदूतावास,एनआरएन , कुवेतमा कृयाशिल संघ संस्था, पत्रकार लगायत नेपाली समाज कुवेतमा कृयाशिल व्यक्ति ब्यक्तित्वहरू तथा सम्पूर्ण  नेवाः दाजुभाइ एवं दिदीबहिनीहरूकाे सामुहिक उपस्थितिमा एक विशेष समारोहको गरेको थियो ।  कुवेतको फरवानियास्थित युनिक अडिटोरियम हलमा नयाँ वर्ष तथा म्हपूजा भव्य रूपमा मनाएको हो । नेपाल संवत ११४० तथा म्हपूजाको अाैपचारिक शुभकामना अादान-प्रदान पश्चात शुरू भएको हिँजोको म्हपूजामा नेवार तथा गैरनेवार गरेर पचासाैंको संख्यामा सहभागी भएका थिए भने सहभागी सबैलाइ म्हपूजाको विशेष अनुष्ठान सम्पन्न गरेर नेवारी भोज खुवाइएको थियो ।