बोस्टनमा पनि नयाँ बर्ष र म्हपुजा कार्यक्रम

अमेरिकाको नेवा: अर्गनाइजेशन अफ न्यू इंग्लैंण्ड, बाेष्टनको आयोजनामा गत नेपाल  सम्बत ११४० कछला पारु तद्नुसार कार्तिक १२ गतेका दिन  म्ह: पुजा तथा नयाँ बर्षको शुभकामना आदानप्रदान कार्यक्रम सम्पन्न भएको खबर छ । बोस्टनबाट हाम्रा सम्बादाताले पठाएका अनुसार उक्त दिन पाँच प्रकारको अन्न र लावा लगायत सामाग्री राखी मण्डला बनाई म्हपुजा गरिएको थियो ।  । गुरु मण्डल विधिपूर्वक  पूजा गरि  आफ्नो शरीर (काय् ), वाणी (वाक), मन (चित्त) शुद्धि तथा सुस्वास्थ्यकोकामना सहित म्हपुजा गरिएको थियो ।
सयभन्दा बढी व्यक्तिहरुले सहभागिता जनाएको म्हपुजा कार्यक्रम सकिएपछी नव: वर्षको स्वागत गर्दै भिंतुना आदानप्रदान कार्यक्रम भएको थियो । यसै क्रममा नाय्खिं च्वयेकेगु अर्थात नेपाल सम्वत बारे जानकारी दिने कार्यक्रम पनि आयोजना भयो ।
यस अगाडि बज्राचार्य गुरुजु समन्त श्रीरत्न बज्राचार्यद्वारा गुरु मण्डल पुजा पाठ तथा व्रत कार्यबिधी पुर्ण गरिसकेपछि मात्र म्हपुजा गरिएको थियो ।
“विदेशमा बसेर पनि आफ्नो भाषा संस्कृतिलाई माया गर्नेहरू सबै एकै ठाउँमा भेला भएर हामीले यो कार्यक्रम गरेका छौं ।व्यस्त समयका वावजुद  पनि यति सहभागिता रह्यो खुशीको कुरा हो ” आयोजका एक सदस्य समन्तश्रीरत्न बज्राचार्यले बताए !