बोस्टनय् नं म्हपुजा व न्हूदँ हन

बोस्टन/नेवा: अर्गनाइजेशन अफ न्यू इंग्लैंण्ड, बाेष्टन, अमेरिकाया ग्वसालय् वंगु नेपाल सम्बत ११४० कछला पारु (स्थानिय- साेमवा:) कुन्हु म्ह: पुजा व न्हुंँदया भिंतुना देछागु ज्याझ्व: क्वचागु दु।  सदां थें न्याता विवह तया म्ह: पुजा मन्दं म्हतिं म्हतिं दयेका सकल व्वतिं कया: दिइपिन्स गुरु मण्डल पुजा विधिं कथं पुजा याना थगु म्ह: (काय् ), स: (वाक), मन (चित्त) शुद्धि व भिंउसाय्­ मनंतुंसें म्ह: पुजा क्वचा:गु जुल ।
सछिं मल्याकंसियां ब्वति का:गु थ्व ज्या: झ्वलय् म्ह:पुजा क्वचायेका न्हुदंँ नेपाल सम्वतया लसताय् भिंतुना देछागु व न्हुंदंया नायखिं च्वयेकेगु ज्या जुगु ख। सकलसित नेवा: धासांया भ्वय् नया ज्या झ्व: क्वचाल । गुरुजु समन्त श्रीरत्न बज्राचार्यजु गुरु मण्डल पुजा पाठयाना कथं धलं दना म्ह:पुजा न्ह्यागु ख: । म्ह:पुजा क्वचाये धुंंका: मतं, फलफुल लल्हायेगु, घ्वालं सिफं ल्हुयेगु, खें वह सगं बियेगु ज्या जुगु ख:। अन्तय् ग्वसा:खलकं  ग्वाहालिं याना दिपिं सकल दुजपिन्त सुभाय् देछायगु ज्या जुगु ख: ।