तानसेनमा नव वर्षको भिन्तुना र्‍याली तथा पुरस्कार वितरण कार्यक्रम

पाल्पा पासा खल:को संयोजकत्वमा नेपाल संवत ११४० नव वर्षको उपलक्षमा एक सांस्कृतिक र्‍यालिले नगर परिक्रमा गरी त्यहाँको भिमसेन टोल अमृतानन्द मार्ग स्थित टुंडिखेलमा भिंतुना सभा आयोजना गर्‍यो । बाजागाजा सहित निस्केको र्‍यालिले नगर परिक्रमा गर्दा नगर उल्लासमय भएको देखिन्थ्यो ।
प्रदेश सांसद डा. पुरण बज्राचार्य तथा तान्सेन नगरका मेयर अशोक कुमार शाहीको प्रमुख आतिथ्यमा भएको उक्त कार्यक्रममा नेपाल भाषा प्रयोग गर्ने बालबालिकहरुलाई पुरस्कार पनि वितरण गरियो ।पाल्पा पासा: खलका अध्यक्ष देवेन्द्र शाक्यको सभापतित्वमा उक्त कार्यक्रम भएको थियो ।
पंचाग निर्णायक समितिको पंचाग प्रति दुख ब्यक्त गर्नुहुंदै पाल्पा पासा खल:का कोषाध्यक्ष केशव लाल बज्राचार्यले यस बारे समय छँदै छलफल गरेर सबै तिथिमितिमा सहमति भएको भए चाड्पर्वमा तिथिमितिको विवाद नहुने अब देखि पछिल्ला वर्षको बारे पनि सोच्नुपर्ने बिचार प्रकट गर्नु भयो । नव बर्षको उपलक्षमा सबै नेपालीहरुमा हार्दिक शुभकामना व्यक्त गर्नुहुँदै नेपालको मौलिक संवत नेपाल संवत बारे सबैले गर्व गर्नु पर्ने बताउनुभयो ।

फोटो: केशव लाल बज्राचार्य