नुगलय् सुचुका खँ – गजल

सौरभ शाक्य

नुगलय् सुचुका खँ छं , याकःचा छाय् च्वं च्वना
थाना स्व बिद्राेहया गं , याकःचा छाय् च्वं च्वना ।

नः जक न्याला मगाः , सर्ग न्यंक गुनु गुनु सलं
वाः वयाःछं पिका तं , याकःचा छाय् च्वं च्वना ।

सुम्क मखु च्वनेगु , हालेमाः खःगु खँ तसकं न्हां
लिकायेमाः स्व कःगु कं , सुम्क छाय् च्वं च्वना ।

झीगु बिवसता बाध्यताय् नं , लबः काइ सुनानं
चिइकाः छ्वयेमाः पं , याकःचा छाय् च्वं च्वना ।

झीगु थःगु थासय् , थःहे गथे क्वःह्यनावन स्व
सकलें हे छप्पं जुयाः दं , सुम्क छाय् च्वं च्वना ।