खुकुलो हुनासाथ ह्वात्तै बढ्यो कोरोना संक्रमित ,२४ घण्टामा ३ हजार जनामा संक्रमण पुष्टि !

खुकुलो हुनासाथ ह्वात्तै बढ्यो कोरोना संक्रमित ,२४ घण्टामा ३ हजार जनामा संक्रमण पुष्टि 

काठमाडौँ / लकडाउन खुकुलो गरे लगत्तै नेपालमा हिजो मंगलबार १,७१८ जनामा कोरोना पुष्टि भएकोमा आज हवात्तै बढेर लगभग ३ हजार अर्थात २,९७९ पुगेको छ । स्वास्थ्य तथा जनसंख्या मन्त्रालयले पछिल्लो २४ घण्टामा २,९७९ जनामा कोरोना भाइरसको संक्रमण पुष्टि भएको जनाएको हो ।

समन्त्रालयका अनुसार देशभरका विभिन्‍न प्रयोगशालामा गरिएको ७,८३५ जनाको पीसीआर परीक्षणबाट २,०७७ र ४,०६३ जनामा गरिएको एन्टिजेन परीक्षणमा ९०२ जना गरी जम्मा २,९७९ जनामा संक्रमण पुष्टि भएको हो ।

हिजो १५ जनाले ज्यान गुमाएका थिए भने आजको तथ्यांक अनुसार गत २४ घण्टामा थप २८ जना कोरोना संक्रमितको मृत्यु भएको छ । । यसरी मृतकको संख्यामा पनि वृद्धि भएको देखियो ।
सरकारले समयमै कडा कदम नचाल्ने हो भने अब चाँडै नै भयावह स्थिति फेरि नआउला भन्न सकिन्न । साथै जनता पनि अनुशाशित हुनु जरुरी छ । होशियार रहनु जरुरी छ । बिशेश गरेर काठमाडौं उपत्यका निकै जोखिममा रहेको पनि विज्ञहरुको धारणा रहेको छ।