ताप्लय्‌या पश्चाताप !

प्रदीप आर. तुलाधर
टर्कीं अष्ट्रेलियाय् ज्या यायेत व:म्ह हैडा यक्व हे दये धुंकल अन चुच्वंगु । पि.आर. नं काये धुंकल , छेँ नं न्याये धुंकल अन वं । ज्यां याना: लिमला: वया ! थ:गु देसय् वना: मांबौ तकं नाप ला: वने मफुनि । न्ह्याबलें लुमंका च्वनीगु , नुग: मछिंका: च्वनीगु वं ।
अष्ट्रेलियाय् स:तेगु मती व:सां बुराबुरि ज्वी धुंकुगुलिं हैडां मस:तू इमित ।
बिचा:मयाकथं कोरोनाया महामारी हलिंयंकं खने दइ वल । लकडाउन नं जुल लिपा बोर्डर नं मचायेकु ।वये वने हे याये मजिल । न्ह्याथाय् हुं मास्क तया: ज्वी माल।
छन्हु मां बौ तच्व: धका: खबर वल । हैडाया हंस्ं थाय् त्व:तल । टर्की मवंसे मगात, बोर्डर मचा:गुलि हवाईजहाज मवं । हैडां थ:त ची मफुत, नुग: भारा भारा मिंका च्वन । थ:गु देशय् वनेगु कुत: ब्यर्थ जू वन । त:न्हु तक पिल, चाइगु ला अनिश्चित। ग्व:न्हु लिपा छगू फ्लाइट तल , तसकं थिके अय्​नं बुक याना: वन , टर्की थ्यन, हथासं ट्याक्सी च्वना: छेँ वन ! छें झिझांदं ! गनं स: तायेमदु। सुं हे मदु । लासाय् ग्वातुलाच्वन मां बैा, छप्ति हे मसं ।
थियास्वल ख्वाउँसे च्वं । सास: मल्हाये धुंकल ।
हैडा हिहिलना: ख्वल।
मां बौ त्व:ता: ताप्लय् वनागुया पश्चातापं वैगु नुग: ह्वानाह्वाना च्यात !