हलिंं नेवा: मचा- साहित्य व संगीत मुॅंज्या

यें/वर्ल्ड नेवा: अर्गनाइजेसन, अमेरिकन कचाया ग्वसालय् नेपाल सम्वत ११४१ न्हूदॅंया लसताय् हलिंया १६ दं क्वय् या मस्तय् दथुइ न्हापांगु हलिं नेवा: मचा साहित्य व संगीत मुॅंज्या शनिवा: जूगु दु ।

संस्थाया न्वकू केशर मान ताम्राकारया (सिकागो) कजिसुइ जूगु उगु मुॅंज्याय् क्यानाडा, अमेरिका व नेपा:या २५ म्ह मस्तसें ब्वति का:गु ख: । ब्वति का:पिं मस्तसें बाखं, च्वखं, चिनाखं ब्वंगु ख:सा अमेरिकाया मस्तसें म्ये व धुन न्ह्यब्व:गु ख: ।

थुगु मुॅंज्याया नितिं च्वसु मुनेगु व मस्तय्त ब्वति कायेकेत ग्वाहालि यानादीपिं लोचनतारा तुलाधर, रिता देवी प्रधानव सुनिता मान्नधरपिसं नुग:खॅं तयादीगु ख: ।

कल्चर एम्वेसिडर बासव जुजु राजोपाध्यायपाखें जुम प्रविधिया लुखा चायेकादीगु उगु मुॅंज्याय् संस्थाया नाय: प्रमेश श्रेष्ठं लसकुस न्वचू तयादीगु ख: ।

– नेसूके