लुम्बिनी गुरुयोजना अनुसारको लुम्बिनी गेटको शुभारम्भ !

लुम्बिनी गेट उद्घाटन गर्दै

लुम्बिनी / लुम्बिनी गुरु योजना अनुसार सडक बनाउन लुम्बिनीमा लुम्बिनी गेटको शिलान्यास गरिएको छ ।
लुम्बिनी विकास कोषको गुरु योजना अनुसार गुरु योजनाको उत्तरी प्रवेश मार्ग पर्सा लोह्खडिया खण्डको सडकको शुभारम्भ गरी लुम्बिनी गेटको शिलान्यास गरिएको छ ।
गेटको शिलान्यास गर्दै लुम्बिनी प्रदेशका उद्योग, पर्यटन, वन तथा वातावरण मन्त्री लीला गिरीले लुम्बिनी विकास कोषको मास्टर प्लान छिटो सम्पन्न गर्नुपर्छ भनेर पदाधिकारीहरू उपाध्यक्ष, लुम्बिनी प्रदेश सरकारको चासोका साथ सम्पन्न गर्नुपर्छ भनेर प्रधानमन्त्री, पर्यटनमन्त्रीसंग कुरा राखेको बताएका छन् ।
प्रोफेसर केंजो टांगेको ४२ वर्ष पहिलेको लुम्बिनी विकासको गुरु योजना पुरा हुन लागिरहेको लुम्बिनी विकास कोषका उपाध्यक्ष अवधेस कुमार त्रिपाठीले बताए ।
त्रिपाठीले नेपालमा यति ठुलो सम्भावना भएको कुनै परियोजना नभएको भन्दै राज्यको, जनताको र विश्वको समेत चासोको आकर्षणको केन्द्र लुम्बिनी रहेको बताए ।
लुम्बिनी विकास कोषका सदस्य सचिव सानु राजा शाक्यले लुम्बिनी विकास कोषको गुरु योजना २/३ वर्षमा सम्पन्न गर्न लागिएको बताए । प्रधानमन्त्री र रुपन्देही जिल्लाका समेत रहेको कारण अर्थमन्त्रीको समेत पूर्ण साथ सहयोग रहेका कारण लुम्बिनी विकासको गुरु योजना केही वर्षमा नै पुरा हुन थालेको शाक्यले भने ।