उपत्यकामा १,८७८ जना सङ्क्रमित थपिए ,काठमाडौं जिल्लामा मात्र १,५७० सङ्क्रमित

उपत्यकामा एक हजार ८७८ जना सङ्क्रमित थपिए
काठमाडौं काठमाडौं उपत्यकामा आज १,८७८ जना कोरोना सङ्क्रमित थपिएका छन् ।
मन्त्रालयले गरेको प्रेस बिफ्रिङ्को क्रममा प्रवक्ता गौतमले काठमाडौं जिल्लामा मात्र १,५७० जनामा सङ्क्रमणको पुष्टि भएको बताए । उपत्यकामा थपिएका सङ्क्रमितमध्ये ७३७ महिला र एक हजार १४१ पुरुष छन् । मन्त्रालयका अनुसार आज देशभरि १३,१४४ जनाको पीसीआर परीक्षण गरिएकोमा तीन ३,३०९ जनामा सङ्क्रमण पुष्टि भएको छ ।
काठमाडौंमा हाल १६,४२०, ललितपुरमा २,२७४ तथा भक्तपुरमा १,११४ जनामा भाइरसको सङ्क्रमण सक्रिय छ । काठमाडौंमा हालसम्म ५०,६८२ जना सङ्क्रमित निको भई घर फर्केका छन् । ललितपुरमा निको हुनेको ७,१६५ छन् । भक्तपुरमा ४,९०३ जना निको भएका छन् । हालसम्म काठमाडौंमा २५६, ललितपुरमा ६४ र भक्तपुरमा ६८ जना सङ्क्रमितको मृत्यु भएको छ ।