लोक साहित्य परिषदलाई वर्ल्ड नेवा:को सहयोग हस्तान्तरण !

काठमाडौं / निर्माण हुँदै गरेको लोक साहित्य परिषदको भवन निर्माणमा सहयोग गर्ने हेतुले वर्ल्ड नेवाः अर्गनाइजेशन (हलिं नेवाः दबू) केन्द्र बाल्टिमोर , अमेरिकाले १४ लाख ५ हजार २ सय (१२०००अमेरिकी डलर)रुपैयाँको सहयोग गरेको छ । पाटनको बखुंबहालस्थित लोक साहित्य परिषदको भवन निर्माणस्थलमा आज एक सामन्य कार्यक्रमकाबीच वर्ल्ड नेवा: अर्गनाइजेसन नेपाल कन्ट्री च्याप्टरका अध्यक्ष शाक्य सुरेनले लोक साहित्य परिषदका उपाध्यक्ष तुलसीलाल सिंहलाई सहयोग स्वरुप आएको १२ हजार डलर बराबरको नेपाली मुद्रा १४ लाख ५ हजार २ सयको चेक हस्तान्तरण गरेका थिए ।
लोक साहित्यको संरक्षण र प्रवर्द्धनका लागि स्थापनाका गरिएको लोक साहित्य परिषद्को भवन निर्माण भइरहेको हो । यसका लागि विभिन्न क्षेत्रबाट सहयोग प्राप्त हुने क्रम जारी छ । यसैबीच विश्वभरका नेवा:हरुको संगठन वर्ल्ड नेवा: अर्गनाइजेसनले पनि यसरी आर्थिक सहयोग गरेको हो । सहयोग हस्तान्तरण कार्यक्रममा परिषद्का संरक्षक वाङमय शताब्दी पुरुष डा. सत्यमोहन जोशी प्रमुख आतिथिका रूपमा सहभागी भएका थिए ।
कार्यक्रममा परिषदको  तर्फबाट  प्रमुख अतिथि सत्यमोहन जोशी र वर्ल्ड नेवा: अर्गनाइजेसनका तर्फबाट नेपाल च्याप्टरका अध्यक्ष शाक्य सुरेनले मन्तव्य राखेका थिए ।