आज्जू मखंगु लँ ! – चिबाखं

सुभाय् पोस्ट  चिबाखं  प्रकाशन -२ न्हु (Day 2)या चिबाखं नांजा:म्ह साहित्यकार सौरव शाक्यया – “आज्जू मखंगु लँ ”           

सौरव शाक्य , ख्वप

व हथाय् हथासं वनाच्वन । गन थ्यनि वं छुं बिचाः मयाः । व झुमिं यंथें वनाच्वन । व वंगु खना छम्ह मनू व लिउ लिउ वनाच्वन । वं तप्यंगु लँ जक खन । वं वहे लँपु त्वःमतसें वनाच्वन । व छाय् वनाच्वन लिउने लिउ वंम्हसिनं मनय् खँ ल्हाकु ल्हाकुं वनाच्वन । व यक्व वने धुंकल अझ वनाच्वन । लिउ लिउ वंम्ह हारे चाल । वं वया न्ह्यः वना वइत पना न्यन ” छि गन वनेगु ? छिगु अाज्जू गन ? मात्याः गन ? ” ।
वयागु न्ह्यसलं व अकमके जुल । वं थुलि जक धाल ” जि मथ्यं तलय् वने – वनाहे च्वने । वनेगु जिन्दगीया लँपु खः ।” थुलि धया व अन नं हथासं पलाः च्वयेकल ।