उपत्यकामा पुन: निषेधाज्ञा जारी गर्न भक्तपुर (ख्वप )नगरपालिकाको आग्रह

काठमाडौं / काठमाडौं उपत्यकामा कोरोना भाइरसको महामारी तिव्र रुपले फैलिएको अवस्थालाई मध्यनजर राख्दै पुन: निषेधाज्ञा जारी गार्न भक्तपुर ( ख्वप )नगरपालिकाले सरकारलाई आग्रह गरेको छ ।
हिजो बसेको नगरपालिकाको नगरस्तरीय प्रकोप व्यवस्थापन केन्द्रको बैठकले उपत्यकामा एकै दिन धेरै संक्रमित पुष्टि भएको र यसले गर्दा उपत्यकामा संक्रमणको जोखिम बढेको भन्दै पुन: निषेधाज्ञा जारी गर्न सरकारलाई आग्रह गरेको ख्वप नगरपालिकाका मेयर प्रमुख सुनिल प्रजापतिले बताएका छन्। दशैको बेला संक्रमणको जोखिमलाई ध्यानमा राखेर नगरपालिकाले वडा–वडामा स्वयंसेवक परिचालन गर्ने तथा कोभिड–१९ बारे सर्वसाधारणलाई निरन्तर रूपमा सचेत गराउने कार्य गरिरहेको उनले बताए । पछिल्लो समय उपत्यका कोरोनाको केन्द्र बन्दै गएको भन्दै तत्काल निषेधाज्ञा जारी गर्नुपर्ने अवस्था रहेको उनको धारणा रहेको छ ।
बैठकमा प्रमुख जिल्ला अधिकारी हुमकला पाण्डेले निषेधाज्ञा खुकुलो गर्नासाथ उपत्यकामा कोरोनामा कोरोनाको जोखिम धेरै नै बढेको भ्न्न्दै चिन्ता व्यक्त गरे । दशैं नजिक आइरहेको तथा दशैंमा भीडभाड हुन नादिन जिल्ला प्रशासन कार्यालयले कार्य योजना अगाडि बढाइरहेको बताए ।
दशैको बेला मानिसको भीड बढ्ने र यसले संक्रमण फैलने सम्भावनालाई ध्यानमा राखी पहिलाजस्तै अत्यावश्यक सेवाबाहेक सबै सेवाहरु बन्द हुनेगरी पुन: निषेधाज्ञा जारी नेपाल सरकारलाई अनुरोध गार्ने बैठकले निर्णय गरेको छ ।
नगरपालिकास्तरीय प्रकोप व्यवस्थापन केन्द्रका सदस्यहरुले दिनदिनै हजारौं संक्रमितहरु बढ्दै गएको अवस्थामा भक्तपुर( ख्वप) नगरपालिकाभित्र अहिलेसम्मको संक्रमणको अवस्था त यसको रोकथाम र नियन्त्रणमा नगरपालिका र अन्य सरोकारवाला निकायहरुद्वारा भएका प्रयासहारु बारे बैठकमा जानकारी गराइएको थियो ।