काठमाडौं संघीय नेपालको मात्र राजधानी हैन अब कोरोनाको पनि राजधानी ! थपिएका ६० प्रतिशत संक्रमित काठमाडौं उपत्यकाका !

काठमाडौं संघीय नेपालको मात्र राजधानी हैन अब कोरोनाको पनि राजधानी,थपिएका ६० प्रतिशत संक्रमित काठमाडौं उपत्यकाका !

काठमाडौँ / संघीय नेपालको मात्र राजधानी रहेन काठमाडौं अब ! कोरोनाको पनि राजधानी बन्दैछ । आज कुल संक्रमितको ६० प्रतिशत काठमाडौँ उपत्यकामा पुष्टि भएको छ । आज शनिबारमात्र ७२४ जनामा संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार तीमध्ये काठमाडौँमा ५८३, भक्तपुरमा ६३ र ललितपुरमा ७८ जनामा कोरोना पुष्टि भएको जनाएको छ। आज देशभर १ हजार २ सय ७ जना कोरोना संक्रमित थपिएका छन्। देशभरी र उपत्यकामा थपिएको संक्रमितको तुलना गर्दा देशभरको कुल संक्रमितमध्ये काठमाडौँमा ६० प्रतिशत संक्रमित थपिएका छ ।
काठमाडौं खुल्ला छ। संक्रमण जतिसुकै बढेपनि काठमाडौं आउने भीड कम भएको छैन । यता न सरकारले केही चासो देखाएको छ न जनताले नै केही वास्ता गरेका छन् । कोरोनाले भयावह रुप लिंदा पनि सरकारको तर्फबाट आवश्यक उपाय नअपनाउने तर अनावश्यक भारमात्र दिएको भन्दै स्थानीय उपत्यकाबासी सरकारसँग क्रुद्ध बनेको छ । “भन्दा उपत्यका पस्न कोरोना नेगेटिभको रिपोर्ट ल्याए मात्र पस्न दिने भन्ने आउने बेला बेरोकटोक पठाउने । एकै घरमा डेरावाल र मेरो परिवार बसेका छौं बिना चेक डेरावालका मानिस घरमा आएका छन् टेस्ट नगरी कोठामा नराख्नु भन्दा सरकारले नै राख्न दिनु भन्ने आदेश छ तपाईंलाई भनी निहुँ खोज्छ । ऊनीहरुले कोरोना लिएर आए हामी पनि संक्रमित हुन्छौं !” एक स्थानीय घरपतीले निरास हुँदै आफ्नो आक्रोश पोखे ।”तर चल्ने उनीहरूको रहेछ सरकार उनीहरुकै जस्तो हाम्रो भोट त मतलब नैं छैन । हाम्रो कुरा कल्ले सुन्ने!” उनले दुखेसो पोखे!