.. नामय् छु दु ?

मथुरा सायमि

न्हापांनिसें आःतक्कया दुने गुलि अन्तवार्ता बी धुन , गुलि ।ल्याख्यानां साध्य मजू । कलेजय् नियुक्ति कायेत नं बिया , प्रमोशन कायेत नं बिया । छु छु छु छु ।
छथाय् गन खः लोमन । ब्यूवोपिं यक्व मनूत दु । अन म्हस्यूपिं नं ध्वदुल । सकसियां थःथः मुनाः गफ मुइकाच्वन । उबले हे अन नोटिस बोर्डय् भ्वं छपाः तिकेहल ।

अन्तर्बार्ता निन्हु कायेगु कमितिं क्वःछ्यूगु जुयाच्वन । थौं बच्छि , कन्हे बच्छि । जिगु नां कन्हेया खुसी लाकातल । कन्हे बीमाःपिं गुलिं वन , गुलिं अन हे पलख च्वंच्वन ।
ई त्यल । छम्ह छम्ह यायां नां सःताः क्वथाय् दुकाल । दुने सु सु दु , छु छु न्यन , सकसियां सीकेगु उत्सुकता । बिया व:पिंके ” छु छु न्यन हाॅइ? ” धका न्यनेगु। वं दुने क्वथाय् न्यंन्यंगु खॅ कनीगु ।

दुने नेपाली बिद्वान स्वम्ह अले निम्ह अंग्रेजत यानाःन्याम्ह दुगु जुयाच्वन । न्यनीगु उप्व:  व बिदेशीतसें हे जुयाच्वन । तर छगू अजूचायापुगु खॅ , उपिं निम्हसिनं उम्मेदवारपिनिगु नां , उकिया अर्थ व उकिया महत्व छगू छगू न्ह्याम्हसिके नं न्यनीगु जुयाच्वन । थ्व छगू खॅ अन च्वनाया सीका ।
कन्हेकुन्हु जि इलय् हे थ्यंकः वना । अन्तर्वार्ता इलय् हे न्ह्यात । जिगु नुगः भचा धुकधुक मिनावल । छु न्यनी , छु न्यनी । नांया अर्थ छगू न्ह्याम्हसिकें न्यंगु सियाः जिं थुकिया भचा अभ्यास नं यानावनागु । जिगु पाः वल । मन कयकयच्याःसां ख्वालय् भचा उमंङ् हयाः न्हिलाख्वालं जि उमि न्ह्योने प्रस्तुत जुया ।
दुने वनेव जि थम्हं हे, ” हेलो, गुड् आफ्टरनुन सर ” धका उमित अभिबादन याये थे छ्यों भचा क्वछुना । छम्ह बिदेशी प्रोफेसरं ,” प्लीज बी सीटेड् ” धका खालिगु मेचपाखे भाय् यात । उसिहिॅ फ्यतुना । जिगु फाइल छपाना निपानाति पुइकाः , जिगु नामय् हे भचा क्वसीक स्वयाः वं अजूचायापुगु ख्वाः ज्यानाः जिके मिखा ल्वाकल । ,” मथुरा कृष्ण मानन्धर ? ”
“यस सर ” जिगु म्हुतुं नाइक सः पिज्वल ।
” वेरी पिक्युलियर नेम ईज यर्स । दज् इट् हायव यनी मिनिङ् ? ”
जिं धया, ” ह्वाइ नट् सर । इट् दज हायव । इट् हायज य वेरी मिनिङफुल मिनिङ् इन इट् , सर ।
वं ख्वालय् जायक उत्सुकता हल । ” प्लीज से सम्थिङ् यबाउट इट ।
जिं धयावना, “अके सर । …………….. ।
मथुरा भारतया छगू व थाय् खः गन भगवान श्रीकृष्णया जन्म जुल । छकः जिमि मांबौ निम्हं तीर्थ सीकःवनेगु झ्वलय् मथुरा नं थ्यन खनी । उबले मांया गर्भय् जि । मचा काय बुइला म्ह्याय् बुइला , मस्यू । जिमि माअबुपिसं अन हे क्वःछित खनी , ” थ्व मचा लिपा मिसामचा जुयाः जन्म जूसा थ्वया नां ‘मथुरादेवी ‘ च्वनी । मिजंमचा जूसा मथुराकृष्ण च्वनी ।

” यण्ड यट लाष्ट आइ वाज बर्न आयज य मेल-चाइल्ड । सो आइ वाज नेम्ड टु बी मथुराकृष्ण रादर दायन मथुरादेवी 😂😂 !
जि न्हिलाबिया । अन सकलें प्वाः तित्युं न्हिल !!!