नां !

मथुरा सायमि

सुनानं जिगु नां कयाः सःतल । साइकल गयाः वनाच्वनाम्ह जि । थ्यास्स ब्रेक ज्वना । फहिलाः स्वया । झिपलाःति ल्यूने छेया मू-लुखाय् छम्ह ल्यासेम्ह मिसा दनाच्वन । वं जितः स्वयाः मुसुमुसु न्हिलाच्वन ।सःतूम्ह व हे खः । जिं वयात म्हमस्यू । गन खनाम्ह खः, धाये मफुत। खूब बिचाः याना । अहॅ …। जिं म्हमस्यूम्ह जूसां वं ला दः म्हस्यूगु हे खत । जिगु नां तक हे स्यूम्ह व ।
जि साइकलं कुहाॅ वया । वपाखे हे फहिला । वया लिक्क हे थ्यन ।
जिं सिल सःतूगु जितः मखुगु जुयाच्वन ।छम्ह लॅय् वःम्ह मिसाचित सःतूगु जुयाच्वन । निम्हं अन हे खॅ मुइकल । न जिपाखे स्वत , न जितः न हे तुल।
जिं थुल — वं व हे मिसाचित सःतूगु जुयाच्वन । वया नां नं ” मथुरा ” हे जुयाच्वन । उफ्…. !!!                                          sketch courtesy : dailydreams