काठमाडौं उपत्यका भित्रिने तीन नाकामा ४० जनामा कोरोना संक्रमण पुष्टी , आज उपत्यकामा कूल ६२ जनामा संक्रमण पुष्टी

काठमाडौं / स्वास्थ्य मन्त्रालयले काठमाडौं उपत्यका भित्रिने विभिन्न नाकाहरुमा गरिएको परीक्षणमा ४० जनामा कोरोना संक्रमण देखिएको जानकारी दिएको छ।
मन्त्रालयको नियमित व्रिफिङका क्रममा मन्त्रालयका प्रवक्ता डा. जागेश्वर गौतमले उपत्यका भित्रिने साँगा, नागढुंगा र फर्पिङ नाकाबाट १० हजार ८ सय ५३ नमुना संकलन गरिएकोमा नागढुंगामा १६, साँगामा १३ र फर्पिङमा ११ जना गरी ४० जनामा कोरोना पोजेटिभ देखिएको जानकारी दिए।
मन्त्रालयका अनुसार मंगलबार ७ हजार ६ सय ८७ वटा पीसीआर परीक्षण भएको छ।योसँगै पीसीआर विधिबाट हालसम्म ४ लाख ६ हजार ५ सय वटा परीक्षण भएका छन।कोरोना भाइरसका २५९ जना नयाँ सङ्क्रमित थपिएका छन् । यससँगै नेपालमा कुल सङ्क्रमितको संख्या २१ हजार नाै  पुगेको स्वास्थ्य तथा जनसंख्या मन्त्रालयले जनाएको छ । यस्तै मंगलबार देशभरीका क्वारेन्टिनमा १० हजार ४ सय ५२ जना उपचाररत रहेका छन्। आज उपत्यकामा ६२ नयाँ संक्रमित थपिएको पुष्टी भएको छ । यसैबिच आज मृतात्माको सद्गतिको कामना गर्दै उपत्यकामा गाइजात्रा पनि कम उत्साहका साथ मनाइएको छ ।