सिन्हाज्या

कवि माधव मूल

वा पिइगु ई
सकसिया लिमला
नेपामितय् आक्सय् मिखा ब्वया
मल, सुपाँय् व वा गायेका
बुँ पिइमा
थ्व हे पलखय् ज्या बाँलायेवं
दच्छिया दिं बाँलाइगु
अले, दक्वं द्य लयेतायेके हे माल
वा पुसा बाँलागु दयेमाल
थःथाय् सिनाज्या यायेत दक्वसिके गुहालि कायेगु
द्या, त्याःया धन्दां च्वयेरिखे वना
थःगु वा पिइ सिधयेकेगु दकले च्वय्या ज्याझ्वः
वां दायेके फक्वः वां दायेकेगु
धात्थें, आक्सं वःगु वा अमृत भापा
म्ह छम्हं वां दायेके फयेवं मन च्वनि
ल्हा, तुति उलि हे संका, ज्या पुवंकेगु मनसुवा
थ्व वा पिइगु ई ।