वर्ल्ड नेवा: युएसएया न्हापांगु अनलाइन बाखं मुंज्या

यें/ वर्ल्ड नेवा: अर्गनाइजेसन युएसए च्याप्टरया ग्वसालय् नेपाल भाषा मिसा बाखंच्वमिपिनि न्हापांगु अनलाइन बाखं मूज्या जुल ।अमेरिकाय् च्वना झायादीम्ह साहित्यकार केशरमान ताम्राकारया संयोजनय् म्हिग: शनिबा:  हलिमय् च्वंपिं नेवा: मिसा च्वमिपिनी  दथुइ थुकथंया भर्च्युअल बाखं मुंज्या जूगु ख: ।
बाखं मुँज्या न्हापांगु ब्वय् डा. रीना तुलाधर , लोचनतारा तुलाधर , निजिरोश श्रेष्ठ , दिब्या ताम्राकारथेंज्यापिं वरिष्ठ च्वमिपिंलिसें नेपाल भाषा ख्यलय् न्हूम्ह च्वमिकथं पिलूझाम्ह रिता महर्जनं नं थ:गु बाखं न्यंकादीगु ख: ।
ज्याझ्वलय् युएसए च्याप्टर पाखें वासव राजोपाध्यायं बाखं मुंज्यालिसें थपिनि च्यापटरया ग्वसा: बारे नुग: खँ तयादिसें सकल बाखं ब्वंमिपिन्त सुभाय् देछानादीगु ख: ।
ज्याझ्व:या संयोजन यानादिइम्ह साहित्यकार ताम्राकार भाजुं ज्याझ्वलय् सकल च्वमिपिनि म्ह्सीका बिइगु लिसें ज्याझ्व: न्ह्याकादिइगु ख: ।
थुगु ज्याझ्व:या मेगु ब्व वइगु मे ३० तारिख स जुइगु खँ ग्वसा: खलकं धा:गु दु ।

वर्ल्ड नेवा: युएसयाया न्हापांगु अनलाइन मिसा बाखं मुंज्या: