कोविद-19को अन्त्यको कामना गर्दै लुम्बिनीमा बुद्ध जयन्ती मनाइयो

लुम्बिनी / भगवान गौतम बुद्धको जन्मभूमि लुम्बिनीमा लकडाउनकाबीच कोरोना भाइरसको कोविद-19को अन्त्यको कामना गर्दै सामान्य कार्यक्रम सहित बुद्ध जयन्ती मनाइयो ।
सरकारी निर्देशनको पूर्णपालना गरी लुम्बिनीमा प्रार्थना गरिएको थियो । भिक्षु भिक्षुणीले मायादेवी मन्दिर परिसरमा दीप प्रज्वलन तथा पूजा गरेर विश्व शान्ति तथा कोभिड १९ उन्मुलनका लागि प्रार्थना गरेका थिए ।
लुम्बिनी उद्यान  क्षेत्रभित्र रहेका भिक्षु गुरुमां लामागुरुहरुको उपस्थितिमा दीप प्रज्वलन  बौद्ध स्तोत्र पाठ गरि  बुद्ध जयन्ती मनाइएको थियो । अखिल नेपाल भिक्षु संघका अध्यक्ष श्रद्धेय भिक्षु मैत्री महास्थविरको अगुवाईमा उक्त कार्यक्रम भएको थियो ।
कार्यक्रम आवश्यक मापदण्ड पुर्‍याई निश्चित दुरीमा बसी गरिएको थियो ।
भिक्षु मैत्रेयसहित १० जना भिक्षुको टोली र लुम्बिनी विकास कोषका पदाधिकारीहरुको सम्मलित टोलीले मायादेबी मन्दिरमा बिहीवार बिहान पूजापाठ गरेका थिए ।
हेर्नुस् भिडियो