भारतय् कोरोना नाप आत्मविश्वासया लडाइँ , थौं बहनी ब्लायक आउट याना: टर्च व मैनमत: च्याकेत मोदीया आह्वान

 थौं बहनी ब्लायक आउट याना: टर्च व सीइता: मत: च्याकेत मोदीया आह्वान
ब्लायक आउटं विद्युत प्रशारण ग्रीड फेल जुइफुगु आशंका
नइ दिल्ली / विश्वया महामारी कोरोना भाइरस नाप ल्वायेत आत्मविश्वास थनेया नितिं भारतीय प्रधानमन्त्री नरेन्द्र मोदीं छगू अजूचायापुगु आह्वान या:गु दु । “सकसिनं बहनी ९ बजेनिसें ९ मिनेटया नितिं बिजुली मत स्याना: टर्च लाइट सीमत , पाल्चा च्याके। ” थथे याना: कोरोना विरुद्ध भारतया १ अरब ३० करोड जनतां छगू हे उद्देश्य कया: मत च्याका: दना वइबलय्  प्रकाशया व महाशक्तिं तकं थुकियात अनुभव याइ नापं थुकिं कोरोना विरुद्धया लडाइँलय् झी सकलें छप्पं दु धैगु क्यनी!” धका: वयकलं धयादीगु दु ।
कोरोना महामारीया संत्रास उप्वया वनाच्वंगु इलय् थ्व छगू आत्मविश्वास उप्वयेकिगु पला: कथं विश्लेषकतयसं का:गु दु ।
मेखे अध्यात्मिक खँय् दुहां वना: स्वयेबलय् थथे यातकी उकथंया लडाइँ ल्वायेगु क्षमता उप्वइगु खँत धर्मशास्त्रय् ब्वनेदु ।
छगूकथं धाये हिन्दुराज्यया पक्षपाती भारतीय जनता पार्टीया थ्व सरकारया पला: उकथं नं व:गु जुइफु ।
मेता खँ सरकारं ज्या बांलाक मया: धाइपिन्त थ्व छगू कथं लिस: जुइफ । सरकारंं फक्व ज्या यानाच्वंगु दु धैगु क्यनेगु छगू तरीका नं जुुइफुगु खँ विश्लेषकतयसं धा:गु दु ।
तर उखे भारतया उर्जा मन्त्रालयया प्राविधिकपिं धा:सा थुकथं बहनी ९ ता इलय् ९गु मिनेट तक मत स्याइगु अवस्थाय् अचानक लाइनय् सप्लाइ अतिकं कम जुुुया:  ग्रीड फेल तकं जुइफु धैगु धन्ना कयाच्वंगु दु । थथे जुल धा:सा हाकनं बांलाक बिजुली सप्लाई यायेत  छवा: ई कायेफुु  धा:गु दु ।