संकटबाट पार लगाउने आस्था भएका संकटाको मन्दिर बन्द किन त?

काठमाडौं / विश्वमा महामारीको रुपमा फैलिएको कोरोना भाइरसको संक्रमण हुन सक्ने खतरालाई ध्यानमा राखेर प्रसिद्ध धार्मिक स्थल काठमाडौं टेबहालस्थित पाला:द्यो संकटाको मन्दिर तथा महांकालको मन्दिर सर्वसाधारणको लागि बन्द गरिने भएको छ ।
संकटा मन्दिर किन बन्द गर्नुपर्‍यो त भन्ने प्रश्नमा त्यस क्षेत्रका वडा अध्यक्ष चिनीकाजी महर्जन भन्छन् “धार्मिक आस्था अनुसार त सबै विघ्न वाधा पन्छाइदिने देवता हो पा:लाद्यो, संकटा , त्यो कुुुरा आफ्नो ठाउँमा छँदैछ । तर हरेक शनिबारका दिन पा:लाद्यो संकटा मन्दिरमा १०/ १५ हजारभन्दाबढी भक्तजनको भीड लाग्छ । शद्धालु भक्तजनहरु नेपालका सबैजसो जिल्लाका मानिसहरू रहेका हुन्छन् । तीमध्ये कसैमापनि कोरोना भाइरसको संक्रमण भएको अबस्थामा सबैलाई खतरा हुन सक्छ । यसै तथ्यलाई ध्यानमा राखेर स्थानीय बासिन्दा, क्लब , संघ संस्था तथा संकटाका पुजारीसँग वडा कार्यालय छलफल गरि कोरोना भाइरस संक्रमणको खतरालाई ध्यानमा राखी सबै पक्ष सहमत भएपछि संकटा मन्दिर र महांकाल मन्दिर सर्वसाधारणको लागि बन्द गर्ने निर्णय गरेका हौं ।”
वडा अध्यक्ष महर्जनले भने ” तर पुजारीहरुद्वार गरिने नित्य पुजा भने नियमित रुपमा भइरहने छ ।”