“हलिं नेवा: न्हि (World Newa day)” ज्याझ्व: नं स्थगित

यें/हलिं नेवा: दबू WNO पाखें स्वदं न्ह्य:निसें हलिंन्यंकया नेवा:तय् दथुइ थीथी औपचारिक अनौपचारिक ज्याझ्व: याना: हनेगु सुरु या:गु ज्याझ्व: थुगुसिइ कोरोना भाइरसया प्रभावया हुनि मजुइगु जुगु दु ।
हलिं नेवा: दबूया केन्द्रिय नाय: सिजन श्रेष्ठंं छगू बिज्ञप्ति पिथना: थुगु दँय् कोरोनाया कारणं विश्वय् वयाच्वंगु समस्यायात ध्यानय् तया: न्हापाथें औपचारिक ज्याझ्व: याना: हलिं नेवा: दिवस महनेगु खँ धा:गु ख: । बरु छें छें मुना: थुकियात नेवा: भ्वय् कथं छिंछिंथे हनेत नं वयकलंं इनाप या:गु दु ।
थौंने नेपालय् त:जिक ज्याझ्व: यासें हलिं नेवा: दिवसलिसें WNO या केन्द्रीय अधिवेशन नं जूगु ख: । उगु अधिवेशनंं सिजन श्रेष्ठया नाय:सुइ न्हुगु कार्यसमिति नं ल्य:गु ख: ।