नेपाल भाषा स्टार म्युजिक भिडियो आवार्ड आज

काठमाडौं /नेपाल भाषामा सर्वाधिक विधामा अवार्ड दिइने समारोहको रूपमा चर्चामा रहेको नेपाल भाषा स्टार म्युजिक भिडियो अवार्ड आज शुक्रबार काठमाडौं कमलादीस्थित प्रज्ञा भवनमा हुँदैछ ।
संसार कृयसन्सको आयोजनामा हुने उक्त कार्यक्रमका प्रमुख अतिथि शहरी बिकास राज्यमन्त्री रामबीर मानन्धर रहेका छन्।
नेपाल भाषाका संगीत चलचित्र विधाका अग्रजहरुलाई सम्मान र नव आगन्तुकहरुलाई हौसला प्रदान गर्ने भनिएको यश अवार्ड समारोहमा जन सांस्कृतिक अभियानमा लागेका अग्रज संगीतकार अमर राज राजोपाध्यायलाई लाइफ टाइम अचिभमेण्ट अवार्ड दिइने कार्यक्रम रहेको छ । संसार सप्तरंगी सम्मानले  बरिष्ठ कलाकार निर्देशक पवन जोशी, बरिष्ठ संगीतकार मनराजा नकःमि, वरिष्ठ सिने पत्रकार ,निर्देशक विजयरत्न असंबरे, प्रथम मातृभाषा चलचित्र नायक जय महर्जन ,नायिका हिसिला महर्जन, पुराना लोकप्रिय गायक जुजुकाजी रंजित तथा मेकअप आर्टिष्ट सनमकुमार श्रेष्ठलाई सम्मान गरिने छ। मल्टिपर्पोज सम्मान नेवाः संचारकर्मि ललेन्द्र शाक्यलाई दिइनेछ।
कार्यक्रममा नेवा: सांस्कृतिक प्रदर्शनी सहित विविध प्रस्तुति पनि रहनेछन् भने समयबजिका साथ दर्शकहरू रमाउन सक्नेछन् ।