“न्हयगांया जात्रा”किर्तिपुरमा विमोचन

काठमाडौं/ काठमाडौंको दक्षिण पश्चिम भेगमा न्हयगांया जात्राको नामले प्रसिद्ध रहेको सात गाउँको जात्रा हुँदैछ । यसै अवसरमा मंसिर १४ गते शनिबार किर्तिपुरमा लोककवि राजभाइ जक:मिको लेखनमा रहेको न्हयगांया जात्रा नामक गीति अल्बमको विमोचन गरिएको छ ।
जनकवि दुर्गालाल श्रेष्ठको प्रमुख आतिथ्यमा भएको उक्त कार्यक्रममा बिबिध सांस्कृतिक प्रदर्शन पनि गरिएको थियो ।
जनकवि दुर्गालाल श्रेष्ठ ,किर्तिपुर नगर पालिकाका नगर प्रमुख रमेश महर्जन्, पूर्वमन्त्री दिलिप महर्जनले न्हयगांया जात्रा विमोचन गर्नुभएको हो ।
रिता महर्जनको संगीत रहेको उक्त अल्बममा १० वटा फरक स्वादका गीतहरु समावेश गरिएका छन् ।किर्तिपुरमा आयोजना गरिएको यस कार्यक्रममा सबैलाई सात गाउँको जात्रामा आउन निम्तो गरेको भनदै एक वक्ताले आफ्नो मन्तव्य राखे ।

मन्द: फल्चा अमल्सि खल:को आयोजनामा भएको उक्त विमोचन कार्यक्रममा लोककवि तथा संचारकर्मी गायीका रिता महर्जनलाई सात गाउँको जात्रा प्रचार प्रसार गर्न महत्वपूर्ण योगदानको कदर गर्दै आयोजक समुहले सम्मान गरेको हो  ।