बेल्जियमका एनआरएन तथा वर्ल्ड नेवा:अर्गनाईजेशनका प्रतिनिधिहरुसँग जापानमा भेटघाट तथा स्वागत कार्यक्रम

जापान भ्रमणमा रहेका बेल्जियम एन आर एन का संस्थापक तथा वर्ल्ड नेवा आर्गनाईजेशनका प्रतिनिधिहरुसँग जापानको टोकियोमा स्वागत तथा भेटघाट कार्यक्रम सम्पन्न भएको छ ।

बेल्जियम एन आर एन का संस्थापक तथा वर्ल्ड नेवा आर्गनाईजेशनका सल्लाहकार रबिन्द्र मान श्रेष्ठ तथा एन आर एन बेल्जियमका महिला नेत्री तथा वर्ल्ड नेवा: आर्गनाइजेशनका पूर्व उपाध्यक्ष रजनी प्रधानसँग जापानमा रहेका नेवारहरुले स्वागत तथा भेटघाट कार्यक्रम सम्पन्न गरेका थिए ।

कार्यक्रम मचा सिरपाका संस्थापक सदस्य ब्यांचा दाईको सभापतित्वमा संपन्न भएको थियो भने कार्यक्रम सञ्चालन, वर्ल्ड नेवा: अर्गानाईजेशन जापान तथा नेवा: जागरण मंच जापानका संस्थापक सुनिल कुमार शाक्यले गर्नुभएको थियो ।

कार्यक्रममा नेवा: जागरण मंच जापानका अध्यक्ष कृष्ण बदन जोशीले स्वागत मन्तब्य राखेका थिए । नेवा: सुपर स्टारका संस्थापक सदस्य रामभक्त जोशी , मचा सिरपाका संस्थापक सदस्य श्याम तन्दुकार तथा ईन्दिरा सुजुकी ,एन आर एन जापानका अभियन्ता सबिता श्रेष्ठ लगायतले बर्तमान जापानमा नेपालीहरुको अवस्था र समसामयिक बिषयमा आफ्ना भनाई हरु ब्यक्त गरेका थिए ।

उक्त कार्यक्रम नेवा:जगारण मंच जापानले आयोजना गरेको थियो ।