बुद्ध जन्मभूमि लुम्बिनीमा  सारस महोत्सव हुँदै

लुम्बिनी/ बुद्ध जन्मभूमि लुम्बिनीमा मंसिर ११ गते बुधबार सारस महोत्सव हुँदैछ ।
लुम्बिनी बिकाश कोषको आयोजनामा यो महोत्सव हुन लागेको हो ।
लुम्बिनी गुरुयोजना क्षेत्रमा विश्वका धेरै क्षेत्रबाट बिभिन्न प्रजातिका चराअचुरुङी हरु आउने गरेका छन् । साइबेरियादेखि सारसहरु आउने गरेको बताइन्छ ।

लुम्बिनी क्षेत्र जैविक विविधता भएको क्षेत्र हो । साइबेरियादेखि आउने सारस लगायत पंछिहरुको वासस्थान अनि लुम्बिनीको विविध महत्वलाई यस प्रकारको महोत्सवले प्रकाश पार्न मद्दत गर्ने र पर्यटकहरुको आवागमन बढ्ने आशा गर्न सकिन्छ । महोत्सवमा चित्रकला र निबन्ध प्रतियोगिता, लुम्बिनी वरिपरि सारसको तथ्याङ्क प्रस्तुति, चित्रकला प्रदर्शनी, चरा अवलोकन, विरहा नाच, नाटक प्रदर्शनी, चेतनामूलक कार्यक्रम लगायतका कार्यक्रमहरु समावेश गरिएका छन् ।
“सारस लगायतका पंक्षिहरुको संरक्षणका निम्ति उक्त कार्यक्रम हुन लागेको हो ” एक पदाधिकारीले भने ।