काठमाडौं जिप्रकामा नेपाल भाषामा संस्था दर्ता सम्बन्धि निशेध अन्त्य

काठमाडौं जिल्ला प्रशासन कार्यालयमा केही समयदेखि नेपाल भाषामा नाम रहेको  संस्था दर्ता गर्न नदिएको बारे विवाद टुंगिएको छ ।अब नेपाल संवत प्रयोग गरी निवेदन दिने, लोगोमा नेपाल संवत राख्ने र नेवार नामबाट संस्था दर्ता गर्न सकिने भएको छ ।

बुधबार सीडीओ कार्यालयका प्रमुख जिल्ला अधिकारी जितेन्द्र बस्नेतसँगको कुराकानीपछि विवाद अन्त्य भएको हो ।

वागमति प्रदेशका पूर्व मन्त्री सांसद शैलेन्द्रमान बज्राचार्यको नेतृत्वमा रहेको प्रतिनिधिमण्डलले प्रमुख जिल्ला अधिकारी बस्नेतसँग भेट गरी नेपाल संवत्‌को प्रयोग र नेवारी नाममा संस्था दर्ताका समस्याबारे छलफल गरेको थियो ।

नेवाः देय् दबूका अध्यक्ष पवित्र बज्राचार्य , नेपाल संवत् न्हूदँ राष्ट्रिय समारोह समितिका अध्यक्ष प्रा डा. नरेशमान बज्राचार्य  लगायत समितिका सदस्यहरुको उपस्थिति रहेको थियो ।

सिडिओ बस्नेतले नेपाल सरकारकाे निर्देशन अनुसार नेपाल संवत् आफ्नाे कार्यालयकाे लेटर हेडमा समेत प्रयाेग भइरहेकाे हुँदा नेपाल संवत् सम्बन्धी विवाद हुनु नपर्ने भनेर कर्मचारीहरूलाइ नेवाः नाम र नेपाल संवत् राखेका संस्थालाइ राेकतोक नगर्न निर्देशन दिएका छन् ।