लुम्बिनीमा अन्तर्राष्ट्रिय त्रिपिटक पाठ समारोह

लुम्बिनी/भगवान बुद्धको पवित्र जन्मभूमि लुम्बिनीमा तेस्रो अन्तर्राष्ट्रिय त्रिपिटक पाठ समारोह आइतबारदेखि सुरू भएको छ ।
लुम्बिनी अन्तर्राष्ट्रिय त्रिपिटक पाठ समारोहको उद्घाटन उपप्रधान तथा गृहमन्त्री नारायणकाजी श्रेष्ठले गरेका थिए । कार्यक्रममा संघनायक भिक्षु बोधिसेन महास्थबिर लगागत अखिल नेपाल भिक्षु महासंघका पदाधिकारीहरु भिक्षु गण, गुरुमांहरु लामा गुरु तथा बिभिन्न देशका बिहारका धर्मगुरुहरुको पनि उपस्थिति रहेको थियो ।
उद्घाटन दीप प्रज्पलन गरी उपप्रधान तथा गृहमन्त्री नारायणकाजी श्रेष्ठ तथा संघनायक भिक्षु बोधिसेन महास्थबिरले गर्नुभएको थियो । उद्घाटनको समय थेरबाद परम्परा अनसार मंगलसुत्र पाठ बज्राचार्य गुरुजुहरुको स्वस्तिवाचन तथा महायान परम्परा अनुसार मंगलपाठ गरिएको थियो ।
कार्यक्रममा श्रीलंका राजदुत सुदर्शना पाथिराना पनि सहभागी थिए । त्रिपिटक पाठ प्रत्येक दिन बिहान ८ बजेदेखि साँझ ५ बजेसम्म हुनेछ । पहिलो दिन सुत्त पिटक, दोस्रो दिन अभिधम्म पिटक र तेस्रो दिन विनय पिटक पाठ हुनेछ । गौतम बुद्धले ४५ वर्षसम्म निरन्तर प्रदान गर्नुभएको ज्ञान, धर्म देशनाको संग्रह नै त्रिपिटक हो ।
पाठ उद्घाटनपूर्व विहान ८ बजे बाजागाजासहित, भिक्षु भिक्षुणी तथा लामागुरुहरु अनि उपासक उपासिकाहरुको सहभागीतामा शान्ति द्विपबाट शोभा यात्रा निकालिएको थियो । पवित्र गन्थ त्रिपिटकलाई सिँगारपटार गरेर खटमा बोकेर शोभायात्रा मायादेवी र्याली पुगेको थियो । र्यालीले मायादेवी मन्दिर परिक्रमा गरी पाठ स्थलमा शोभायात्रा पुगेको थियो ।
अखिल नेपाल भिक्षु महासंघको आयोजना तथा लुम्बिनी विकास कोषसहित विभिन्न संस्थाको सहआयोजनामा त्रिपिटक पाठ समारोह गरिएको हो । । पाठ समारोहमा श्रीलंका, थाइल्याण्ड तथा म्यानमारका भिक्षु भिक्षुणीको सहभागिता रहेको छ । त्यस्तै भारतका बौद्ध तीर्थस्थल बोधगया, सारनाथ, कुशिनगर, राजगृह र श्रावस्तीबाट  भिक्षु भिक्षुणी समारोहमा सहभागी हुन आउनुभएको छ ।

अखिल नेपाल भिक्षु महासंघको आयोजना तथा लुम्बिनी विकास कोषसहित विभिन्न संस्थाको सहआयोजनामा लुम्बिनीस्थित मायादेवी मन्दिर परिसरमा त्रिपिटक वाचन शुरू गरिएको हो । समारोहमा लुम्बिनी विकास कोषका उपाध्यक्ष डा. ल्हारक्याल लामा (खेन्पो छिमे, चोकी निमा रिन्पोछे , अखिल नेपाल भिक्षु महासंघका संघनायक/संरक्षक भिक्षु बोधिसेन महास्थविर, संघका अध्यक्ष भिक्षु धम्मसोभन महास्थविर, सचिव निग्रोध महास्थविर, लुम्बिनी बौद्ध विश्व विद्यालयका उपकुलपति प्राध्यापक डा. सुर्वणलाल ब्रज्रचार्य, नेपालका लागि श्रीलंकाका राजदूत लगायतले सम्बोधन गर्नुभयो । कार्यक्रममा लुम्बिनी विकास कोषका पदाधिकारी, रुपन्देहीका प्रमुख जिल्ला अधिकारी गणेश अर्याल, बोर्ड सदस्य, स्थानीय सरकारका प्रतिनिधिहरुको सहभागिता रहेको थियो । फागुन २३ गतेसम्म सञ्चालन हुने त्रिपिटक पाठमा स्वदेश तथा विदेशका भिक्षु भिक्षुणी, उपासक उपासिकाहरुको सहभागिता छ ।

लुम्बिनी भगवान गौतम बुद्धका जीवनीका चार प्रमुख संवेजनीय स्थलमध्ये प्रमुख स्थल हो । यस पवित्र स्थलको महत्व र यहाँको अध्यात्मिक महत्वबारे उजागर गरी बिश्वमा मैत्री र करुणकोे सन्देश फैलाउन त्रिपिटक पाठ समारोह आयोजना गरिएको हो । पाठ कार्यक्रम २२ गते सकिनेछ ।