गायक योगेश बैद्यप्रति श्रद्धाञ्जली व्यक्त गरिंदै

काठमाडौं । गायक तथा संगीतकार योगेश वैद्यप्रा ति हार्दिक श्रद्धाञ्जली व्यक्त गरियो ।  ७७ वर्षको उमेरमा निधन भएका वरिष्ठ गायक संगीतकारलाई श्रद्धाञ्जली व्यक्त गर्न विभिन्न क्षेत्रका व्यक्तित्वहरु आएका थिए ।

लामो समयदेखि मधुमेह रोगबा पीडित वैद्यको विहीवार राति १२ः३० बजे काठमाडौं भ्याली अस्पताल सुन्धारामा निधन भएको हो ।
वैद्यको पार्थिव शरिरलाई अन्तिम श्रद्धाञ्जलीका लागि आज संगीत नाट्य प्रज्ञा प्रतिष्ठानमा राखिएको हो । उनको निधनमा संगीतकर्मीले श्रद्धाञ्जली व्यक्त गरिरहेका छन् ।

उनका ‘सपना भुलाइ सारा’, ‘मेरो आँशुमा नहाँसे’, ‘नेपाल मेरो उपहार भो’ आदि गीतहरू लोकप्रिय छन् । उनका नेपाल भाषाका गीत पनि लोकप्रिय छन् ।

उनको शुक्रबार पशुपति आर्यघाटमा अन्त्येष्टि गर्ने पारिवारिक स्रोतले बतायो ।
वनस्पतीशास्त्रमा एमएससी गरेका वैद्यले ३३ वर्षसम्म सरकारी सेवामा बिताएका थिए । उनी २०६१ सालमा सहसचिव पदबाट सेवा निवृत्त भएका थिए ।

राष्ट्रिय गीत सम्मेलनमा प्रथम तथा छिन्नलता गीत पुरस्कार, विख्यात त्रिशक्तिपट्ट प्राप्त गरेका साहित्यकार वैद्यका विभिन्न कृति समेत प्रकाशित छन् । उनका श्रीमती, दुई छोरी र एक छोरा छन् ।