“परिवर्तनका संवाहक लक्ष्मीदास ” विमोचित

काठमाडौं / राजनीति ,बुद्धधर्म मातृभाषा तथा समाजसेवामा महत्त्वपूर्ण योगदान गर्नुहुने दिवंगत लक्ष्मीदास मानन्धरको जीवनी “परिवर्तनका संवाहक लक्ष्मीदास ” नामक पुस्तक विमोचन भएको छ ।
काठमाडौंको र्‍याडिसन होटेलमा दिवंगत लक्ष्मीदास मानन्धरको वार्षिकीको दिन पारेर लक्ष्मण अधिकारी तथा सुभेच्छा बिन्दुद्वारा तयार पारिएको उक्त जीवनी पुस्तक विमोचन गरिएको हो ।
कार्यक्रममा प्रमुख अतिथिका रुपमा आउनु भएका माधव नेपाल
सभाध्यक्ष जनकवि दुर्गालाल श्रेष्ठ , मानवअधिकारवादी नेता तथा साहित्यकार मल्ल के. सुन्दरले संयुक्त रूपमा “परिवर्तनका संवाहक लक्ष्मीदास” विमोचन गर्नुभएको थियो ।
कार्यक्रममा धर्मोदय सभाका उपाध्यक्ष रुपज्योति, प्रा.डा. त्रिरत्न मानन्धर ,प्रा.डा.चुन्दा बज्राचार्य , पूर्वमन्त्री तीर्थराम डंगोल , श्रद्धेय कोण्डन्य महास्थविर लगायत अतिथिका रुपमा आउनुभएको थियो ।
कार्यक्रममा दिवंगत मानन्धरका कान्छा सुपुत्र नारायण दास मानन्धरले स्वागत मन्तव्य राख्नुभयो ।
कार्यक्रम दिवंगत लक्ष्मीदासको तस्वीरमा फूलमाला चढाइ सुरु भएको थियो ।
कोण्डन्य भन्तेद्वारा दिवंगत लक्ष्मीदासको बुद्ध धर्ममा गर्नुभएको योगदान गुणानुस्मरण गर्दै देशना गर्नुभयो ।
मन्तब्यका क्रममा
प्रमुख अतिथी माधव कुमार नेपालले जीवनकाभोगाइले शिक्षा दिन्छ भन्नुहुँदै भाषिक क्षेत्र, राजनीतिक क्षेत्र , धार्मिक क्षेत्र सबैतिरको क्षेत्रमा योगदानमा उहाँको योगदान रहेको बताउँदै
उहाँको जीवन इतिहासको खुला पानाजस्तै भएको बताउनुभयो ।
प्रा. डा. त्रिरत्न मानन्धरले विमोचित पुस्तकको समीक्षा गर्नुभयो ।
अर्का अतिथि मल्ल के सुन्दरले पनि पुस्तक समीक्षा सहित मन्तव्य राख्दै “लक्ष्मीदास व्यक्ति हैन उत्कृष्ट कृति हो ” भन्ने धारणा राखे ।
कार्यक्रममा सभाध्यक्ष बन्नुभएका जनकवि दुर्गालाल श्रेष्ठले लक्ष्मीदास मानन्धरको स्मरणमा कविता वाचन गर्नुभएको थियो ।
पूर्व राष्ट्रिय सभा सदस्य समेत रहनुभएका उहाँ धर्मनिरपेक्षता , मातृभाषा शिक्षा तथा नेपालको उद्योग व्यवसायमा समेत महत्त्वपूर्ण योगदान रहेको छ ।