मानार्थ विद्यावारिधि उपाधिद्वारा विभूषित हुँदै धम्मवती गुरुमां

लुम्बिनी /श्रद्धेय धम्मवती गुरुमांलाई मानार्थ विद्यावारिधि उपाधिद्वारा विभूषित गरिने भएको छ ।
बुद्ध शिक्षा प्रचार प्रसार गर्ने कार्यमा अतुलनीय योगदान गरेवापत उहाँलाई लुम्बिनी बौद्ध विश्वविद्यालयले मानार्थ विद्यावारिधि उपाधिद्वारा विभूषित गर्न लागेको हो।
सासनधज धम्माचरिय, अग्गमहागन्थवाचक पण्डित, भाषाथुवा: उपाधिद्वारा सम्मानित भइसक्नुभएका श्रद्धेय धम्मवती गुरुमांलाई आउदो मंसिर १४ गते हुने विश्वविद्यालयया तेस्रो दिक्षान्त समारोहमा प्रधानमन्त्री तथा विश्वविद्यालयका कुलपति के. पि. शर्मा ओलीको उपस्थितिमा उहाँलाई उक्त उपाधिद्वारा विभुषित गर्ने कार्यक्रम रहेको विश्वविद्यालयले जानकारी दिएको छ । विश्वविद्यालयले यसरी मानार्थ उपाधि प्रदान गर्न लागेको यो पहिलो पटक हो ।
यसअगाडि गुरुमांलाई बर्मी सरकारले बि.सं. २०१९ सालमा सासनधज धम्माचरिय तथा बि.सं. २०५१ सालमा अग्गमहागन्थवाचक पण्डित र ने.सं. १११९ सालमा नेपालभाषा परिषदले भाषाथुवा: उपाधिद्वारा विभुषित गरिसकेको छ ।त्यसैगरी अन्य संघसंस्थांहरुद्वारा पनि धेरै सम्मानहरु प्रदान गरिसकेको छ।

श्रद्धेय गुरुमांसँग सुभाय् मिडिया इन्फोटेन्मेन्टका अध्यक्ष महर्जन रत्न

धर्मकीर्ति विहारका संस्थापक तथा प्रमुख रहनुभएका श्रद्धेय धमावती गुरुमांको योगदानलाई कदर गर्दै यसकिसिमको गौरवपूर्ण सम्मानद्वारा विभुषित गर्न लागेको खबर बौद्ध जगतको निम्ति गौरवपूर्ण कुरा हो ।