समाजसेवामा शंखरापुर नगरका प्रवक्ता : राधाकृष्ण श्रेष्ठ

शंखरापुरका नगर प्रवक्ता राधाकृष्ण श्रेष्ठद्वारा ५६ जना बिद्यार्थीलाई टिसर्ट, ट्रयाकसुट प्रदान
काठमाडौ/ शंखरापुर नगरपालिकाका नगर प्रवक्ता तथा वडा नं ६ का वडा अध्यक्ष राधाकृष्ण श्रेष्ठले श्री क्षितिज जन जागृत आधारभूत बिद्यालयका विद्यार्थीका लागि टिसर्ट र ट्र्याक सुट प्रदान गरेका छन।
आफ्नो सम्पूर्ण भत्ता र पारिश्रमिक सबै समाज र जनताको सेवाको निम्ति प्रदान गर्ने योजना अन्तर्गत उनले शंखरापुर नगरको वडा नं ५ स्थित उक्त विद्यालयमा ५६ जना विद्यार्थीहरुलाई सोमबार टिसर्ट तथा ट्र्याक सुट वितरण गरेका हुन्।
बिद्यालयका प्रिन्सिपल निर्मल थापा,विद्यालय व्यवस्थापन समितिका अध्यक्ष चिरञ्जीवी रेग्मी,वडा अध्यक्ष राधाकृष्ण श्रेष्ठकी श्रीमती ज्ञानश्री श्रेष्ठ लगायत सपरिवारको उपस्थितमा कपडा वितरण भएको हो । यसरी उपहार पाएका विद्यार्थी निकै हर्षित देखिएका थिए।
प्रवक्ता श्रेष्ठ आफ्नो तलब भत्तालाई नगरभित्रका क्षेत्रमा निरन्तर समाजसेवामा खर्च गर्ने योजना अनुरुप अगाडि बढेको बताए ।
स्मरणीय छ यसभन्दा अगाडि उनले वज्रयोगिनी जात्रा व्यवस्थापनको निम्ति खडा गरिएको कोषमा एक लाख एघार हजार एकसय एघार रुपैयाँ (१,११, १११/-) जम्मा गरेका थिए । यो कोषमा कुनै पनि सहृदयी व्यक्तिले जात्रा व्यवस्थापनको निम्ति  आआफ्नो तर्फबाट रकम जम्मा गर्न सकिने  छ।