प्रचण्ड सरकार ढल्यो , अब कस्तो सरकार बन्नेछ त!

काठमाडौं / प्रधानमन्त्री पुष्पकमल दाहाल ‘प्रचण्ड’ले प्रतिनिधिसभामा शुक्रबार भएको मतदानमा विश्वासको मत गुमाएका छन् । प्रधानमन्त्री नियुक्त भएपछि भएको ४ पटक भएको मतदानमा विश्वासको मत पाएका उनले यसपटक भने सफल हुन सकेनन् ।

सत्ता गठबन्धनको सबैभन्दा ठूलो दल एमालेले समर्थन फिर्ता लिएसँगै उनी अल्पमतमा परेका थिए ।

यसैक्रममा प्रतिनिधिसभा शुक्रबार विश्वासको मत प्राप्तिका निम्ति प्रस्ताव राखेका थिए । तर, उनको प्रस्तावको पक्षमा जम्मा ६३ मत परेको थियो भने विपक्षमा १९४ मत परेको थियो ।
एमालेले यसभन्दा अगाडि नैं प्रचण्डसँग सहकार्य तोडेर कांग्रेससँग सत्ता गठबन्धन गर्ने बताउँदै सरकार छोड्न प्रधानमन्त्री प्रचण्डलाई आग्रह गरेका थिए । यसको जवाफमा प्रधानमन्त्री प्रचण्डले पनि संसदलाई जिम्मा दिनेगरी विश्वासको मत लिने बताएका थिए ।
प्रचण्ड सरकार ढलेपछि नयाँ सरकारको नेतृत्व नेकपा(एमाले) अध्यक्ष केपी शर्मा ओलीले गर्ने र कांग्रेससँग आलोपालो प्रधानमन्त्री बन्ने सहमति भएको चर्चा छ ।
प्रचण्ड सरकार ढलेपछिको सरकार कस्तो बन्ने र संविधानले सहमति अनुसार बन्ने भनेको सरकारलाई कुन दृष्टिले हेर्नेछ भन्ने यो समय चर्चाको विषय बनेको छ ।